Psalmowo

 2 Mido ha ɖa, eye miƒo axatsɛ,

Mina saŋku kple kasaŋku viviwo naɖi.

 3 Miku lãdzo le dzinu yeye dzi,+

Mikui ne dzinua sɔ tegblẽe, le míaƒe ŋkekenyuiɖugbe.+

 4 Elabena se wònye na Israel,

Yakob ƒe Mawu ƒe ɖoɖo wònye.+

 5 Eɖoe anyi be wòanye ŋkuɖodzi na Yosef,+

Esime wòho ɖe Egipte-nyigba ŋu.+

 6 “Meɖe agba ɖa le eƒe abɔta;+

Eye meɖe eƒe asi ɖa le kusi la ŋu.

 7 Èyɔm le xaxa me, eye mexɔ na wò;+

Metɔ na wò tso dziɖegbelilikpo me.*+

 9 Mawu tutɔ aɖeke manɔ dowòme o,

Eye màde ta agu na dutamawu aɖeke o.+

10 Nye, Yehowa, ye nye wò Mawu,

Ame si kplɔ wò tso Egipte-nyigba dzi.+

11 Gake nye dukɔ la meɖo tom o;

Eye Israel medi be yeabɔbɔ ye ɖokui nam o.+

12 Ale meɖe asi le wo ŋu na woƒe dzimesesẽ;

Eye wowɔ nu si dze wo ŋu.*+

13 Oo, ne ɖe nye dukɔ aɖo tom ɖe,+

Oo, ne ɖe Israel azɔ nye mɔwo dzi ɖe!+

14 Anye ne mabɔbɔ woƒe futɔwo ɖe anyi kaba;

Anye ne matrɔ nye asi ɖe woƒe ketɔwo ŋu.+

15 Ame siwo léa fu Yehowa la anɔ dzodzom nyanyanya ava bɔbɔ ɖe eŋkume,

Eye woƒe tohehe anɔ anyi tegbee.*

16 Ke miawo ya,* atsɔ lu nyuitɔwo* anyi mi,+

Eye wòatsɔ kpetomenyitsi aɖi kɔ na mi.”+