Nyaɖeɖefia

8 Esi wòɖe+ nutrenu+ adrelia ɖa la, ɖoɖoe zi le dziƒo anɔ abe gaƒoƒo afã ene. 2 Eye mekpɔ mawudɔla+ adre siwo le tsitre ɖe Mawu ŋkume la, eye wotsɔ kpẽ adre na wo.

3 Mawudɔla bubu aɖe si lé sikadzudzɔdosonu ɖe asi la va tsi tsitre ɖe vɔsamlekpui+ la xa, eye wotsɔ dzudzɔdonu ʋeʋĩ+ gbogbo aɖe nɛ be wòado dzudzɔ ɖe sikavɔsamlekpui+ si le fiazikpuia ŋgɔ la dzi esi wose ame kɔkɔewo ƒe gbedodoɖawo. 4 Eye dzudzɔdonu ʋeʋĩ si le mawudɔla la si me ƒe dzudzɔ kple ame kɔkɔewo ƒe gbedodoɖawo+ de dzi le Mawu ŋkume. 5 Ke mawudɔla la tsɔ dzudzɔdosonu la enumake, eye wòɖe dzo le vɔsamlekpuia me de eme wòyɔ, eye wòtsɔe ƒu gbe ɖe anyigba dzi. Eye dzi ɖe gbe sesĩe, gbeɖiɖiwo ɖi, dzi ke dzo,+ eye anyigba ʋuʋu. 6 Eye mawudɔla adre, siwo si kpẽ adreawo+ le la, dzra ɖo be yewoaku kpẽawo.

7 Mawudɔla gbãtɔ ku eƒe kpẽ la. Eye kpetsi kple dzo kpakple ʋu tsaka dza ɖe anyigba dzi;+ eye anyigba ƒe akpa etɔ̃lia fiã, eye atiwo ƒe akpa etɔ̃lia fiã, eye gbe mumuwo katã fiã.+

8 Mawudɔla evelia ku eƒe kpẽ la. Eye wotsɔ nane si le abe to gã aɖe si le bibim ene la ƒu gbe ɖe atsiaƒu+ me. Ale atsiaƒu ƒe akpa etɔ̃lia trɔ zu ʋu;+ 9 eye nu gbagbe* siwo le atsiaƒu me la ƒe akpa etɔ̃lia ku,+ eye tɔdziʋuwo ƒe akpa etɔ̃lia gbã.

10 Mawudɔla etɔ̃lia ku eƒe kpẽ la. Eye ɣletivi gã aɖe si le bibim abe akaɖi ene la ge tso dziƒo, eye wòge dze tɔsisiwo ƒe akpa etɔ̃lia me kple tsidzɔƒewo.+ 11 Woyɔa ɣletivi la be Gbe Veve. Eye tsiwo ƒe akpa etɔ̃lia le vevem abe atsa ene, eye tsiawo wu ame geɖewo, elabena tsiawo le vevem.+

12 Mawudɔla enelia ku eƒe kpẽ la. Eye woƒo+ ɣe ƒe akpa etɔ̃lia kple ɣleti ƒe akpa etɔ̃lia kpakple ɣletiviwo ƒe akpa etɔ̃lia, ne woƒe akpa etɔ̃lia nado viviti,+ eye ŋkeke ƒe akpa etɔ̃lia nagakpɔ kekeli o, eye zã hã nenema ke.

13 Mekpɔ hɔ̃ aɖe wòle dzodzom le yame ʋĩi, eye mese wògblɔ kple gbe gã aɖe be: “Baba, baba, baba+ na anyigbadzinɔlawo le kpẽ susɔe siwo mawudɔla etɔ̃awo le kuku ge la ta!”+