Amos

4 “Mise nya sia, mi Basan nyinɔ

Siwo le Samaria-to dzi,+

Mi nyɔnu siwo le ame tsɛwo tafam+ hele ame dahewo gbãm gudugudu,

Siwo le gbɔgblɔm na mia srɔ̃ŋutsuwo* be: ‘Midi nane vɛ míano!’

 2 Aƒetɔ Dziɖulagã Yehowa tà eƒe kɔkɔenyenye be:

‘“Kpɔ ɖa! Ŋkekewo li gbɔna na mi, esime woatsɔ lãtsolawo ƒe ga gɔdɔ̃ewo akɔ mi ɖe dzi,

Eye woatsɔ ƒu akɔ miaƒe ame susɔewo ɖe dzi.

 3 Miato gli ƒe gbagbãƒewo adzo, eye ame sia ame akpɔ eŋgɔ tẽe;

Woatsɔ mi aƒu gbe ɖe Harmon,” Yehowa ye gblɔe.’

 4 ‘Miva Betel, ne miawɔ nu tovo,*+

Miva Gilgal, ne miawɔ nu tovo geɖe wu!+

Mitsɔ miaƒe vɔsawo+ vɛ le ŋdi,

Kple miaƒe nu ewoliawo+ vɛ le ŋkeke etɔ̃a gbe.

 5 Mitsɔ abolo ʋaʋã do dzudzɔ wòanye akpedavɔsa;+

Miɖe gbeƒã lɔlɔ̃nu faa nunanawo sesĩe;

 6 ‘Mena miaƒe aɖuwo fu tititi le dɔwuame ta* le miaƒe duwo katã me,

Eye mena abolokoe wɔ mi le miaƒe aƒewo katã me;+

Ke mietrɔ va gbɔnye o,’+ Yehowa ye gblɔe.

 7 “‘Mete tsidzadza mi esi wòsusɔ ɣleti etɔ̃ ne nuŋeɣi naɖo;+

Mena tsi dzana le du ɖeka me, ke medzana le du evelia me o.

Tsi dza ɖe agble ɖeka me,

Ke agble si me nyemena tsi dza ɖo o la me ƒu kplakplakpla.

 8 Du eve alo etɔ̃ me tɔwo mu ya sagasaga yi du ɖeka gbɔ, be yewoano tsi,+

Ke womeɖia kɔ o;

Gake mietrɔ va gbɔnye o,’+ Yehowa ye gblɔe.

Miedzi miaƒe abɔwo kple miaƒe waingblewo ɖe edzi,

Ke ʋetsuviwo ɖu miaƒe gbotiwo kple miaƒe amitiwo;+

Gake mietrɔ va gbɔnye o,’+ Yehowa ye gblɔe.

Mena miaƒe asaɖawo me ƒe ʋeʋẽ kũu ɖo ŋɔti me na mi;+

Gake mietrɔ va gbɔnye o,’ Yehowa ye gblɔe.

11 ‘Metrɔ mi bu anyi,

Abe ale si metrɔ Sodom kple Gomora bu anyi ene.+

Eye mienɔ abe atikpo si woɖe tso dzo me ene;

Gake mietrɔ va gbɔnye o,’ +Yehowa ye gblɔe.

Esi wònye aleae mawɔ wòe ta la,

Israel, dzra ɖo nàɖakpe kple wò Mawu.

13 Elabena eyae nye Ame si mè towo,+ eye wòwɔ ya;+

Ame si ɖea Eƒe susuwo fiaa amegbetɔwo,

Ame si nana agudzedze zua viviti,+

Eye wòzɔa anyigba ƒe kɔkɔƒewo;+

Eŋkɔe nye Yehowa, aʋakɔwo ƒe Mawu.”