1 Kronika
14 Tiro-fia Hiram+ ɖo amewo kple sedertiwo kple gliɖolawo kpakple atikpalawo ɖe David, be woatu xɔ* nɛ.+ 2 Eye David dze sii be Yehowa ɖo ye fia heli ke yeƒe fiaɖuƒe ɖe Israel dzi,+ elabena wodo eƒe fianyenye la ɖe dzi le eƒe dukɔ Israel ta.+
3 David gaɖe srɔ̃+ geɖewo le Yerusalem, eye wògadzi ŋutsuvi kple nyɔnuvi geɖewo.+ 4 Vi siwo wodzi nɛ le Yerusalem+ la ƒe ŋkɔwoe nye: Samua, Sobab, Natan,+ Salomo,+ 5 Yibhar, Elisua, Elpelet, 6 Noga, Nefeg, Yafia, 7 Elisama, Beeliada kple Elifelet.
8 Esi Filistitɔwo se be wosi ami na David wòzu fia ɖe Israel blibo la dzi+ la, Filistitɔwo katã ho va David di ge.+ Esi David see la, eya hã ho ɖe wo ŋu. 9 Filistitɔwo va dze Refaim Bali la me+ nɔlawo dzi. 10 Eye David bia gbe Mawu be: “Maho ɖe Filistitɔwo ŋua? Àtsɔ wo ade asi nama?” Yehowa ɖo eŋu nɛ be: “Ho yi, eye matsɔ wo ade asi na wò godoo.”+ 11 Ale David ho yi Baal-Perazim+ hesi wo le afi ma. Eye David gblɔ be: “Mawu vavã la dze nye futɔwo to nye asi dzi, abe ale si tɔsisi ŋɔa goe ene.” Esia tae wona ŋkɔ teƒe ma be Baal-Perazim.* 12 Filistitɔwo gblẽ woƒe mawuwo ɖe afi ma. Eye David ɖe gbe wotɔ dzo wo.+
13 Emegbe Filistitɔwo gava dze wo dzi le bali la me.+ 14 Eye David gabia gbe Mawu, gake Mawu vavã la gblɔ nɛ be: “Mègakpe wo tẽe o. Ke boŋ trɔ to wo megbe nàva dze wo dzi le bakatiawo* ŋgɔ.+ 15 Ne èse afɔzi le bakatiawo tame la, ekema nàho ɖe wo ŋu, elabena ɣemaɣi la, Mawu vavã la dze ŋgɔwò xoxo yina Filistitɔwo ƒe aʋakɔ la si ge.”+ 16 Eya ta David wɔ abe ale si tututu Mawu vavã la de se nɛ ene,+ eye wosi Filistitɔwo ƒe aʋakɔ la tso Gibeon va se ɖe Gezer.+ 17 Eye David ƒe ŋkɔ de dzi le anyigbawo katã dzi, eye Yehowa de vɔvɔ̃ eŋu na dukɔwo katã.+