Efesotɔwo
2 Azɔ hã, Mawu gbɔ agbe mi togbɔ be mienye ame kukuwo le miaƒe dzidadawo kple nu vɔ̃wo me tsã hã,+ 2 esiwo me miezɔna le tsã le xexe sia ƒe nuɖoanyi* la nu,+ le yameŋusẽ ƒe fia,+ si nye gbɔgbɔ+ si le dɔ wɔm le vi sẽtowo me fifia la, ƒe lɔlɔ̃nu nu. 3 Ɛ̃, mí katã míenɔ agbe le wo dome tsã le míaƒe ŋutilã ƒe nudzodzrowo nu,+ eye míewɔa ŋutilã la kple tamesusuwo ƒe lɔlɔ̃nu,+ eye tsã la, míenye vi siwo dzi Mawu ƒe dziku+ nɔ tso dzɔdzɔme abe ame susɔeawo ke ene. 4 Ke Mawu ƒe nublanuikpɔkpɔ+ sɔ gbɔ, eye le lɔlɔ̃ gã si le esi na mí ta la,+ 5 togbɔ be míeku le dzidadawo me hã la,+ egbɔ agbe mí kpe ɖe Kristo ŋu—amenuvevee wotsɔ ɖe mi. 6 Gawu la, efɔ mí ɖe tsitre kpakplii eye wòna míebɔbɔ nɔ dziƒonutowo me kpakple Kristo Yesu,+ 7 ale be le nuɖoanyi* siwo gbɔna me la, wòaɖe eƒe amenuveve geɖe si ƒo nu sia nu ta sãsãsã la afia le eƒe dɔmekɔkɔ ɖe mía ŋu me, mí ame siwo wɔ ɖeka kple Kristo Yesu.
8 Amenuveve sia dzie wonɔ te ɖo ɖe mi to xɔse me;+ eye menye miawo ŋutɔwo gbɔe wòtso o; ke boŋ Mawu ƒe nunanae. 9 Ao, menye dɔwɔwɔwo tae o,+ ale be ame aɖeke nagatsɔ naneke aƒo adegbe o. 10 Mawu ƒe asinudɔwɔwɔe míenye eye wòwɔ mí+ míewɔ ɖeka kple Kristo Yesu+ hena dɔ nyui siwo Mawu dzra ɖo ɖi do ŋgɔ na mí be míazɔ le wo me la wɔwɔ.
11 Eya ta nenɔ susu me na mi be, ame siwo amewo tsɔ asi tso aʋa na, siwo woyɔna tsã be “aʋatsotsotɔwo” la, yɔa mi ame siwo nye dukɔwo me tɔwo le ŋutilã nu la be “aʋamatsomatsotɔwo.” 12 Mienya Kristo ɣemaɣi o, eye mienɔ adzɔge na Israel dukɔa, mienye ame tutɔwo na ŋugbedodo la ƒe nubablaawo;+ mɔkpɔkpɔ aɖeke menɔ mia si o, eye mienɔ xexea me evɔ mienya Mawu o.+ 13 Ke mi ame siwo nɔ adzɔge ʋĩi tsã la, mieto Kristo la ƒe ʋu la dzi te va azɔ heva wɔ ɖeka kple Kristo Yesu. 14 Elabena eyae nye míaƒe ŋutifafa,+ eya ame si na ƒuƒoƒo eveawo va zu ɖeka,+ eye wòmu gli si ma wo dome la ɖa.+ 15 Eto eƒe ŋutilã dzi ɖe fuléle la, si nye Se si me sededewo kple ɖoɖowo le la ɖa, be wòana ƒuƒoƒo eveawo nazu ame yeye ɖeka,+ ne woawɔ ɖeka kplii ahawɔ ŋutifafa, 16 eye wòadzra dukɔ eveawo dome ɖo ahana woazu ŋutilã ɖeka na Mawu to fuwɔameti* la dzi,+ elabena eɖe fuléle+ la ɖa to eƒe ku dzi. 17 Eye wòva gblɔ ŋutifafa nya nyui la na mi ame siwo le adzɔge ʋĩi, kple ŋutifafa na ame siwo le kpuiƒe hã, 18 elabena to eya dzie mí dukɔ eveawo siaa míetena ɖe Fofo la ŋu faa le gbɔgbɔ ɖeka me.
19 Eya ta mieganye ame tutɔwo kple amedzrowo o,+ ke boŋ mia kple ame kɔkɔewo mienye dukɔ ɖeka me viwo+ kple Mawu ƒe aƒe la me tɔwo,+ 20 wotu mi ɖe apostoloawo kple nyagblɔɖilawo ƒe gɔmeɖoanyi dzi,+ eye Kristo Yesu ŋutɔe nye gɔmeɖoanyia ƒe dzogoedzikpe la.+ 21 Eya mee wotu xɔ blibo la kpe ɖo ɖekae le+ wòle dzi dem be wòazu gbedoxɔ kɔkɔe na Yehowa.*+ 22 Le eya amea me la, wole miawo hã tum ɖekae be miazu nɔƒe si Mawu anɔ to eƒe gbɔgbɔ la dzi.+