1 Kronika
23 Esi David tsi eye wòsusɔ vie wòaku la,* etsɔ via Salomo ɖo fiae ɖe Israel nu.+ 2 Eƒo Israel ƒe amegãwo katã kple nunɔlawo+ kpakple Lewi viwo+ nu ƒu. 3 Eye woxlẽ Lewi vi siwo xɔ ƒe blaetɔ̃ kple edzivɔ;+ woxlẽ ŋutsuawo ɖekaɖeka wole akpe blaetɔ̃ vɔ enyi. 4 Ame siawo dometɔ akpe blaeve vɔ ene nɔ Yehowa ƒe aƒe la ŋu dɔwo nu, eye ame akpe ade nye dzikpɔlawo kple ʋɔnudrɔ̃lawo,+ 5 ame akpe ene nye agbonudzɔlawo,+ eye ame akpe ene tsɔ hadzinu siwo ŋu David gblɔ le be “mewɔ wo hena Mawu kafukafu” la kafua+ Yehowa.
6 Eyome David ma wo ɖe hatsotsowo+ me ɖe Lewi vi siwo nye Gerson, Kohat kple Merari ƒomeawo nu.+ 7 Gerson viwoe nye Ladan kple Simei. 8 Ladan viwoe nye Yehiel, ame si nye tatɔ, kple Zetam kpakple Yoel,+ wole ame etɔ̃. 9 Simei viwoe nye Selomot, Haziel kple Haran, wole ame etɔ̃. Ame siawo nye Ladan ƒe aƒekɔwo ƒe tatɔwo. 10 Simei viwoe nye Yahat, Zina, Yeus kple Beria. Ame ene siawoe nye Simei viwo. 11 Yahat ye nye woƒe tatɔ, eye Ziza nye evelia. Ke esi Yeus kple Beria medzi viŋutsu geɖe o ta la, wobu wo aƒekɔ ɖeka kple dɔwɔha ɖekae.
12 Kohat viwoe nye Amram, Yizhar,+ Hebron kple Uziel,+ wole ame ene. 13 Amram viwoe nye Aron+ kple Mose.+ Ke woɖe Aron ɖe vovo+ be eya kple viaŋutsuwo nakɔ Kɔkɔeƒewo Ƒe Kɔkɔeƒe la ŋu ɖaa, woado dzudzɔ le Yehowa ŋkume, asubɔe ahayra ame le eŋkɔ me ɖaa.+ 14 Ke wobu Mose, Mawu vavã la ƒe ame ƒe viwo ɖe Lewi viwo ƒe to la dome. 15 Mose viwoe nye Gersom+ kple Eliezer.+ 16 Sebuel+ ye nye Gersom viwo ƒe tatɔ. 17 Rehabiya+ ye nye Eliezer ƒe dzidzimeviwo* ƒe tatɔ; ŋutsuvi bubu aɖeke meganɔ Eliezer si o, ke Rehabiya ƒe viwo ya sɔ gbɔ taŋ. 18 Selomit+ ye nye Yizhar+ viwo ƒe tatɔ. 19 Hebron viwoe nye tatɔ Yeria, eveliae nye Amariya, etɔ̃liae nye Yahaziel, eye eneliae nye Yekameam.+ 20 Uziel+ viwoe nye tatɔ Mika kple Yisiya, si nye evelia.
21 Merari viwoe nye Mahli kple Musi.+ Mahli viwoe nye Eleazar kple Kis. 22 Eleazar medzi ŋutsuvi aɖeke hafi ku o, negbe nyɔnuviwo ko. Eya ta Kis viŋutsu siwo nye woƒe ƒometɔwo* ɖe wo. 23 Musi viwoe nye Mahli, Eder kple Yeremot, wole ame etɔ̃.
24 Ame siawoe nye Lewi viwo le woƒe aƒekɔwo nu, woawoe nye tatɔwo le wo fofowo ƒe aƒekɔawo nu, ame siwo ŋkɔ woŋlɔ hexlẽ, siwo wɔa Yehowa ƒe aƒe la me dɔwo, eye woxɔ ƒe blaeve kple edzivɔ. 25 Elabena David gblɔ be: “Yehowa, Israel ƒe Mawu la, na gbɔdzɔe eƒe dukɔ la,+ eye wòanɔ Yerusalem tegbee.+ 26 Eya ta magahiã be Lewi viwo natsɔ avɔgbadɔ la alo eŋu dɔwɔnu aɖeke azɔ o.”+ 27 Elabena le David ƒe mɔfiame mamlɛawo nu la, woxlẽ Lewi vi siwo xɔ ƒe blaeve kple edzivɔ. 28 Woƒe dɔe nye be woakpe ɖe Aron viwo+ ŋu woawɔ Yehowa ƒe aƒe la ŋu dɔwo, woakpɔ xɔxɔnuawo,+ nuɖuxɔawo, nu kɔkɔeawo katã ŋuti kɔkɔ kpakple Mawu vavã la ƒe aƒe la ŋu subɔsubɔdɔ bubuawo dzi. 29 Wokpea asi ɖe abolo siwo woɖona ɖe wo nɔewo dzi* la wɔwɔ ŋu,+ wowɔa nuɖuvɔsa la ƒe wɔ memee, amɔwɔ maʋamaʋã ƒe akpɔnɔ viviawo,+ nu siwo wotɔna le nutɔgba me, wɔ si wodzabana,+ eye wodzidzea nuwo ƒe agbɔsɔsɔme. 30 Ele na wo be woanɔ tsitrenu ŋdi sia ŋdi+ ada akpe na Yehowa ahakafui, eye woawɔe alea le fiẽ hã.+ 31 Wonaa kpekpeɖeŋu ɣesiaɣi ne wole numevɔ sia numevɔ sam na Yehowa le Sabatwo+ dzi, dzinu yeyewo+ dzi kple azãɖuɣiwo,+ le xexlẽmeawo kple wo ŋuti ɖoɖo la nu, wowɔa esia le Yehowa ŋkume ɖaa. 32 Wokpɔa woƒe dɔ siwo ku ɖe takpegbadɔa kple kɔkɔeƒea ŋu la gbɔ, eye wokpea asi ɖe wo nɔvi Aron viwo ŋu le Yehowa ƒe aƒe la me subɔsubɔdɔa wɔwɔ me.