2 Kronika

27 Yotam+ xɔ ƒe blaeve vɔ atɔ̃ esime wòzu fia, eye wòɖu fia ƒe wuiade le Yerusalem. Dadaa ŋkɔe nye Yerusa, eye wònye Zadok+ vinyɔnu. 2 Ewɔ nu si nyo le Yehowa ŋkume, abe ale si fofoa Uziya wɔ ene,+ ɖeko eya mege ɖe Yehowa ƒe gbedoxɔ la me madzemadzee o.+ Ke hã dukɔ la ganɔ nu gbegblẽ wɔwɔ dzi kokoko. 3 Eɖe dzigbegbo ɖe Yehowa ƒe aƒe la ŋu,+ eye wòtu xɔ geɖe ɖe Ofel+ gli la dzi. 4 Etso duwo+ ɖe Yuda tonuto la me,+ eye wòtu mɔ́wo+ kple xɔ tsralawo+ ɖe avewo me. 5 Ewɔ aʋa kple Amonitɔwo+ ƒe fia, eye wòɖu wo dzi, ale be Amonitɔwo tsɔ klosalo talento* alafa ɖeka kple lu kɔr* akpe ewo kple ƒo kɔr akpe ewo nɛ le ƒe ma me. Amonitɔwo xe adzɔ sia ke nɛ, le ƒe evelia kple etɔ̃lia hã me.+ 6 Eya ta Yotam nɔ ŋusẽ kpɔm ɖe edzi, elabena ezɔ nyuie le Yehowa eƒe Mawu la ŋkume.

7 Ke Yotam ŋutinya susɔeawo kple eƒe aʋawo katã kpakple eƒe nuwɔnawo la, woŋlɔ wo ɖe Israel Kple Yuda Fiawo Ƒe Agbalẽ me.+ 8 Exɔ ƒe blaeve vɔ atɔ̃ esime wòzu fia, eye wòɖu fia ƒe wuiade le Yerusalem.+ 9 Eye wotsɔ Yotam mlɔ tɔgbuiawo gbɔ, woɖii ɖe David Ƒe Du la me.+ Eye via Ahaz zu fia ɖe eteƒe.+