Yesaya

64 Oo ne ɖe nàdze dziƒowo ahaɖi ɖe anyi,

Ale be towo nadzo kpekpekpe le tawò,

 2 Abe ale si dzo bia nake wuwluiwo,

Eye dzoa nana tsi fiẽna ene ɖe,

Ekema wò ketɔwo adze si wò ŋkɔ,

Eye dukɔwo adzo nyanyanya le ŋkuwòme!

 3 Esime nèwɔ nu dziŋɔ siwo míekpɔ mɔ na o la,+

Èɖi ɖe anyi, eye towo dzo kpekpekpe le ŋkuwòme.+

 4 Tso gbe aɖe gbe ke ame aɖeke mesee o, eye mede to me na ame aɖeke o,

Eye ŋku aɖeke mekpɔ Mawu aɖeke o, negbe wò,

Ame si kpena ɖe ame siwo le mɔ kpɔm nɛ* la ŋu.+

 5 Èdo go ame si wɔa nu dzɔdzɔe dzidzɔtɔe,+

Ame siwo ɖoa ŋku dziwò hezɔa wò mɔwo dzi.

Kpɔ ɖa! Èdo dziku, esime míenɔ nu vɔ̃ wɔm atraɖii,+

Míewɔe eteƒe didi.

 6 Mí katã míezu abe ame makɔmakɔwo ene,

Eye nu dzɔdzɔe siwo katã míewɔna la le abe gbelégodui ene.+

Mí katã míayrɔ abe aŋgba ene,

Eye míaƒe vodadawo alɔ mí ɖe nu abe ya ene.

 7 Ame aɖeke meli, si yɔa wò ŋkɔ o,

Ame aɖeke metsia dzi be yeaku ɖe ŋuwò o,

Elabena èɣla wò ŋkume ɖe mí,+

Eye nèna míevɔ* le míaƒe vodadawo* ta.

Míawo la, tsu míenye, eye wòe nye mía Mèla;+

Wò asinudɔwɔwɔ mí katã míenye.

 9 Oo Yehowa, mègado dziku akpa o,+

Eye mègaɖo ŋku míaƒe vodada la dzi tegbee o.

Zion zu gbegbe,

Eye Yerusalem tsi anyi aƒedoe.+

11 Wotɔ dzo+

Míaƒe kɔkɔenyenye kple bubu* ƒe aƒe*

Si me mía tɔgbuiwo kafu wò le la;

Eye nu siwo ŋu míedea asixɔxɔe la katã dome gblẽ.