NYABIASE 10
Ŋugbe kae Biblia do ku ɖe míaƒe etsɔme ŋu?
“Ame dzɔdzɔewo anyi anyigba la dome, eye woanɔ edzi tegbee.”
“Anyigba ya li tegbee.”
“Ami ku tegbee, eye Aƒetɔ Dziɖulagã Yehowa atutu aɖatsi ɖa le ŋkuwo katã me.”
“Ɣemaɣi la, ŋkuagbãtɔwo ƒe ŋku aʋu, eye tokunɔwo ƒe to aʋu. Ɣemaɣi la, bunɔwo ati kpo abe zi ene, eye aɖetututɔwo ƒe aɖe atso aseye. Elabena tsi aŋɔ tso gbegbe, eye tɔsisi atso tagba.”
“Atutu aɖatsi sia aɖatsi ɖa le woƒe ŋkume, eye ku maganɔ anyi akpɔ o, konyifafa kple ɣlidodo kpakple vevesese hã maganɔ anyi o. Nu siwo nɔ anyi tsã la nu va yi.”
“Woatu xɔ anɔ eme, eye woade waingble aɖu eme kutsetse. Womatu xɔ ame bubu nanɔ eme o, womaƒã nu ame bubu naɖu o. Elabena ale si ati tsinae la, nenemae nye amewo ƒe agbemeŋkekewo anɔ, eye nye ame tiatiawo ase vivi na woawo ŋutɔwo ƒe asinudɔwɔwɔwo bliboe.”