“Nunya Gbago Ka Gbegbee Nye Si!”

EŊLISIGBE me nya “plethora” si tso blema Latin kple Hela gbe me la fia “agbɔsɔsɔ gã, gbago.” Gbetakpɔxɔ kple Nyɔ! magazinewo xlẽla aɖe si le Sierra Leone, Ɣetoɖoƒe Afrika, la ŋlɔ nya siwo dze le etame la le magazine siawo ƒe babla siwo Gbetakpɔxɔ Habɔbɔa wɔna ƒe sia ƒe la ŋu. Eyi edzi be: “Nunya xɔasi si wɔ nuku kae nye si! Nyati si dzɔa dzi nam aɖeke meli si nyemakpɔ be wodzro eme le agbalẽ babla siawo ƒe akpa aɖe o. Zi geɖe la, amewo buam vodadatɔe be kɔledzidelae menye, eye ewɔa mo yaa na wo ne meʋu eme na wo be nyemeɖo afɔ kɔledzixɔ me kpɔ o. Gake megblɔna be: ‘Ao, Gbetakpɔxɔ kple Nyɔ! magazinewo xlẽla veviedola ko menye.’”

Magazine siawo ƒe bablawo dona ƒe sia ƒe. Gake àte ŋu axɔ magazineawo to posu me. Ne èdi be ɖe nasu ye si la, ke taflatse kpɔ Yehowa Ðasefo siwo le wò nutoa me, alo zã adrɛs siwo le axa 5 si te ɖe ŋuwò wu nàŋlɔ agbalẽ na Gbetakpɔxɔ Habɔbɔa.