Woɖo Dodokpɔ tso Nyɔ! Me

ESI sukuvi siwo le Dziehe Amerika dukɔ si nye Suriname ke woƒe suku kɔkɔ dede ƒe dodokpɔgbalẽvi le July 1993 me la, wokpɔe be dodokpɔa de amesiwo xlẽa Nyɔ! magazine edziedzi la dzi ŋutɔ. Nusitae nye be dɔ siwo Sukudenyawo Dzikpɔƒe ƒe Dodokpɔɖoƒea ɖo ɖe axa 36-gbalẽvia me ƒe afã kloe tso Nyɔ! ƒe nyati eve me.

Axa 1 vaseɖe 9 ku ɖe nyati si nye “Du Madeamedziwo​—⁠Ɣeyiɣi Sesẽwo le Dugã Siwo me Amewo Sɔ Gbɔ Ðo Fũ la Me” si dze le Nyɔ! January 8, 1993 me ŋu. Woɖo dɔ 21 tso nyati ma me tsɔ do woƒe susu kpɔe. Woɖo dɔ 14 ɖe dodokpɔgbalẽvia ƒe axa 10 vaseɖe 16 tso nyati si nye “Capybara​—⁠Vodada alo Nuwɔwɔ ƒe Nukunu Wònyea?” ŋu si dze le Eŋlisigbe me Nyɔ! September 22, 1992 me.

Sukutatɔ aɖe si le Suriname ƒe ɣetoɖoƒekpa dzi gblɔ be: “Esi sukunufialawo wɔ dodokpɔ na sukuviawo tso nyati siawo me tsɔ do woƒe susu kpɔe ta la, woɖee fia be Nyɔ! nye gbeŋutise nyui kple nuŋɔŋlɔ kpuie ƒe kpɔɖeŋu.”

Ne àdi be yeaxɔ Nyɔ! ɖeka alo nàdi be ame aɖe nava ye gbɔ ava dzro nya sia me kpli wò la, ke taflatse ŋlɔ agbalẽ ɖo ɖe Watch Tower, Box 760, Accra, Ghana, alo nàzã adrɛs si sɔ le axa 5.