Nukae Nènya le Yesu Ŋu?

Nyɔnu aɖe si xɔ ƒe 84 eye wòle United States la gblɔ le Ame Vevitɔ Kekeake Si Nɔ Anyi Kpɔ si nye axa 448-gbalẽ si me nɔnɔmetatawo le si ƒo nu tso Yesu Kristo ƒe agbenɔnɔ ŋu la ŋuti be: “Mexlẽ Biblia bliboa katã le ɣeyiɣi vovovowo me, eye Ame Vevitɔ kpena ɖe ŋunye mexlẽa Biblia sea egɔme nyuie wu.” Agbalẽa na nya siwo Biblia gblɔ le Yesu ƒe agbenɔnɔ ŋu zua nu ŋutɔŋutɔ nɛ.

Eŋlɔ bena: “Agbalẽa xexlẽ metiam gbeɖe o. Mexlẽe zi adre va yi eye megadze exexlẽ gɔme ake. Yesu ƒe nɔnɔme nyuiawo ʋãa nye dzi. Ne mexlẽ ta siwo ƒo nu tso Yesu ƒe anyigbadzinɔnɔ ƒe kwasiɖa mamlɛa ŋu la, ŋlɔmi si wowɔ le eŋu veam ŋutɔ, vevietɔ le eƒe gaƒoƒo mamlɛawo me, kple eƒe ku le fuwɔametia ŋu. Ke hã ehe ŋutikɔkɔe vɛ na míaƒe Dziƒofofo, Yehowa.”

Wodze agbagba ƒo nu tso Yesu ƒe anyigbadzigbenɔnɔ me nudzɔdzɔ ɖesiaɖe si woŋlɔ ɖe Nyanyuigbalẽ eneawo me la ŋu le Ame Vevitɔ Kekeake Si Nɔ Anyi Kpɔ me. Ate ŋu akpe ɖe ŋuwò nàsrɔ̃ nu geɖe le Yesu ŋu. Ne àdi be yeaxɔ ɖeka alo àdi be woawɔ aƒeme Biblia nusɔsrɔ̃ kpli ye femaxee la, ke taflatse ŋlɔ agbalẽ ɖo ɖe Watch Tower, Box 760, Accra, Ghana, alo nàzã adrɛs si sɔ le axa 2.