Ðe aɖaŋunuwɔwɔ bia Aɖaŋuwɔla?

Ame geɖe dea ŋugble le biabia sia ŋu egbea. Nukae nye wò susu? Ŋutsu aɖe si tso Virginia, U.S.A., ŋlɔ be:

“Mexlẽ Life—How Did It Get Here? By Evolution or by Creation? vɔ eteƒe medidi o. Mekpɔe be wowɔ numekukuawo nyuie eye ena wobua tame. Miaƒe dutanyanyuigblɔla aɖe gbɔe mexɔ agbalẽa le ƒe geɖe enye sia le Summerville, South Carolina, U.S.A.

“Mekpɔ ŋudzedze ɖe agbalẽa kple alesi wòzã dzɔdzɔmeŋutinunya tsɔ ʋli xexemewɔwɔ tae ŋu. Le miaƒe agbalẽa ta la, nyemegabui be nɔnɔmetɔtrɔ nufiafia la nye nyateƒe o. Togbɔ be Roma Katolikotɔe menye tso ɖevime ke hã la, agbalẽ sia xexlẽ kpakple numedzodzro kple mi Yehowa Ðasefowo ƒe dutanyanyuigblɔla aɖewo vivi nunye.”

Ne wò hã èdi kpeɖodzi siwo ŋu kakaɖedzi le be agbe medzɔ le eɖokui si o ke boŋ ɖe wowɔe la, ke taflatse ŋlɔ agbalẽ ɖo ɖe Watch Tower, P. O. Box GP 760, Accra, Ghana, alo nazã adrɛs si sɔ le axa 5 lia. Adzɔ dzi na mí be míaɖo axa-32 gbalẽ gbadza si nye Tameɖoɖo Kae Le Agbe Ŋu? Aleke Nàwɔ Ake Ðe Eŋu? ɖe wò. Srɔ̃ nu tso wɔwɔme wɔnuku si le nugbagbewo si kple nusita aɖaŋunuwɔwɔ sia hiã Aɖaŋuwɔla la ŋuti.