Agbalẽ Bubu Kae

• gakpɔ ŋusẽ gã aɖe ɖe xexeame ƒe aɖaŋunuwɔwɔ, agbalẽŋɔŋlɔ, kple hadzidzi dzi, eye le ɣeyiɣi ma ke me wòkpɔ ŋusẽ deto ɖe sewo wɔwɔ dzi?

• gakpɔtɔ li togbɔ be amegbetɔ tsɔ asi gbugbɔ ŋlɔe ƒe akpe geɖe evɔ emenya vevi ɖesiaɖe de pɛpɛpɛ abe alesi wònɔ le eŋlɔɣi ene?

• ʋã ɖokuitɔmadimadi ɖe ame me ale gbegbe be ame aɖewo lɔ̃ faa kpe fu hede woƒe agbe afɔku me ɖe egɔmeɖeɖe ta?

• gɔme woɖe ɖe gbegbɔgblɔ siwo wu 2,100 me, si wɔe be amegbetɔƒomea me tɔ 90 le alafa me ate ŋu axlẽe?

• gblɔ dzɔdzɔmeŋutinunya me nyateƒe siwo ŋu wova ke ɖo le ƒe alafa geɖe megbe?

• me gɔmeɖose siwo nu meyina o siwo ate ŋu akpe ɖe ameƒomevi, gbegbɔgblɔ, kple dukɔ ɖesiaɖe me tɔwo ŋu be nu nadze edzi na wo le agbe me la le?

• me nyagblɔɖi siwo me nyawo medo viviti o, siwo dzi ŋutinya me nudzɔdzɔwo ɖo kpee be wova eme pɛpɛpɛ le?

Ðe medze be nàdzro agbalẽ si le alea la me oa?