Yometiti
Nu ka tae wòle be Kristotɔwo nakpɔ mɔ be woati yewo yome?
Nu ka tae wòle be míabia Yehowa be wòado ŋusẽ mí ne wole mía yome tim?
Ps 55:22; 2Ko 12:9, 10; 2Ti 4:16-18; Heb 13:6
Biblia me kpɔɖeŋu:
1Fi 19:1-18—Esi woti nyagblɔɖila Eliya yome la, edo gbe ɖa na Yehowa vevie eye Yehowa do ŋusẽe hefa akɔ nɛ
Dw 7:9-15—Esi Yosef nɔviŋutsuwo ti eyome la, Yehowa nɔ kplii eye wòxɔ nɛ; emegbe Yehowa to Yosef dzi ɖe eƒe ƒomea
Nu siwo amewo wɔna tsɔ tia mía yome dometɔ aɖewo ɖe?
Woɖua fewu le mía ŋu
2Kr 36:16; Mt 5:11; Dw 19:9; 1Pe 4:4
Biblia me kpɔɖeŋu:
2Fi 18:17-35—Asiria fia ƒe nyanuɖela Rabsake dzu Yehowa eye wòɖu fewu le Yehowa ƒe ame siwo le Yerusalem ŋu
Lk 22:63-65; 23:35-37—Yesu yometilawo ɖu fewu le eŋu eye wodo ŋukpee esime wolée kple esime wohee ɖe fuwɔametia ŋu
Míaƒe ƒometɔwo tsia tre ɖe mía ŋu
Woléa mí eye wokplɔa mí yia dziɖuɖumegãwo ŋkume
Woƒoa mí
Nuvlowɔhawo dzea mía dzi
Wowua mía dometɔ aɖewo
Aleke wòle be Kristotɔwo nawɔ nui ne woti wo yome?
Mt 5:44; Dw 16:25; 1Ko 4:12, 13; 1Pe 2:23
Biblia me kpɔɖeŋu:
Dw 7:57–8:1—Esi ameha aɖe si dome Saul si tso Tarso hã nɔ la nɔ kpe ƒum Stefano wòɖo kudo nu la, Stefano ɖe kuku na Yehowa be wòatsɔ woƒe nu vɔ̃ ake wo
Dw 16:22-34—Togbɔ be woƒo apostolo Paulo, bɔ pãe eye wodee gaxɔ me hã, enyo dɔme na gaxɔdzikpɔlaa eye esia wɔe be gaxɔdzikpɔlaa kple eƒe aƒemetɔwo katã va zu Kristotɔwo
Nu kae dzɔ ɖe Kristotɔ gbãtɔ aɖewo dzi?
Aleke wòle be míase le mía ɖokui me ne woti mía yome?
Aleke mɔkpɔkpɔ si le mía si ku ɖe etsɔme ŋu doa ŋusẽ mí ne wole mía yome tim?
Nu ka tae mele be míaɖe mɔ yometiti nawɔe be ŋu nakpe mí, dzi naɖe le mía ƒo, míavɔ̃ alo adzudzɔ Yehowa subɔsubɔ o?
Ps 56:1-4; Dw 4:18-20; 2Ti 1:8, 12
Biblia me kpɔɖeŋu:
2Kr 32:1-22—Esi Fia Senakerib kplɔ aʋakɔ gã aɖe gbɔna Yerusalem tsrɔ̃ ge la, Fia Hizkiya ɖo ŋu ɖe Yehowa ŋu eye wòdo ŋusẽ dukɔ la; Yehowa ɖe wo
Heb 12:1-3—Yometilawo dze agbagba be yewoado ŋukpe Yesu gake mena woƒe nuwɔnawo wɔe be ŋukpee o eye dzi hã meɖe le eƒo o
Ne woti mía yome la, nu nyui kawoe ate ŋu ado tso eme?
Ne míedo dzi le yometitiwo me la, ekɔa Yehowa ƒe ŋkɔa ŋu eye wòdoa dzidzɔ nɛ
Biblia me kpɔɖeŋu:
Hio 1:6-22; 2:1-10—Hiob menya be Satana gbɔe yeƒe xaxawo tso o gake eyi edzi wɔ nuteƒe na Yehowa. Esia kɔ Yehowa ƒe ŋkɔa ŋu eye wòɖee fia be Satana nye alakpatɔ
Da 1:7; 3:30—Nuteƒewɔla Hananiya, Misael kple Azariya (Sadrak, Mesak kple Abednego) lɔ̃ faa be yewoaku tsɔ wu be yewoagbe toɖoɖo Yehowa, esia na trɔ̃subɔla Fia Nebukadnezar kafu Yehowa
Yometiti ate ŋu ana mɔnukpɔkpɔ mí be míaɖi ɖase
Biblia me kpɔɖeŋu:
Dw 11:19-21—Esi yometiti na Kristotɔwo kaka yi teƒeteƒewo la, wotsɔ nya nyuia yi teƒe mawo
Flp 1:12, 13—Apostolo Paulo kpɔ dzidzɔ be yeƒe gaxɔmenɔnɔ na ame geɖe se nya nyuia
Ne míedo dzi le yometitiwo me la, edoa ŋusẽ mía nɔvi Kristotɔwo
Zi geɖe la, ame kawo koŋue nana wotia mía yome?
Yr 26:11; Mr 3:6; Yh 11:47, 48, 53; Dw 25:1-3
Biblia me kpɔɖeŋu:
Dw 19:24-29—Le Efesoa, ame aɖewo siwo wɔa trɔ̃wo dzrana la do dziku ɖe Kristotɔwo ŋu vevie elabe wobui be woƒe gbeƒãɖeɖedɔa ava gblẽ asi na yewo eya ta woti wo yome
Ga 1:13, 14—Hafi Paulo (si nye Saul) nava zu Kristotɔa, dzo si nɔ eme ɖe Yudasubɔsubɔ ŋu na wòti Kristotɔwo yome vevie