Ena Wogbugbɔ De Woƒe Asigɛwo

“LÉ ŊKU ɖe nye asi ŋu. Èkpɔ vovototo aɖea?” Ŋutsu aɖe tsɔ eƒe asi fia nyɔnu aɖe si nye Yehowa Ðasefo, eye enumake esi wòkpɔe la, ede dzesii be eƒe srɔ̃ɖesigɛ megale asi nɛ o. Eɖe nu me be ye kple ye srɔ̃ yewomegate ŋu nɔa anyi le ŋutifafa me o, eyata yewotso nya me be yewoagbe yewo nɔewo. Ðasefoa gblɔ be: “Ao! Xɔ agbalẽ sia nàxlẽ. Akpe ɖe ŋuwò le wò srɔ̃ɖeɖea me.” Esi wògblɔ nya sia la, etsɔ agbalẽ si wotu ɖe Biblia dzi, si nye Sidzedze si Kplɔa Ame Yia Agbe Mavɔ Mea la nɛ.

Ŋkeke aɖewo megbe la, ŋutsua trɔ va Ðasefoa gbɔ kple dzidzɔ. Etsɔ asi fiae. Fifia la, ede eƒe srɔ̃ɖesigɛa. Egblɔ nɛ be ye kple ye srɔ̃ yewoxlẽ Sidzedze-gbalẽa eye be fifia la, dzi le yewo dzɔm ŋutɔ. Agbalẽa na wogbugbɔ de woƒe asigɛawo.

Biblia ƒe aɖaŋuɖoɖo ate ŋu akpe ɖe srɔ̃ŋutsu kple srɔ̃nyɔnu ŋu woaɖe lɔlɔ̃ vavãtɔ afia wo nɔewo. Esia le alea elabena menye ame bubu aɖekee ŋlɔ Biblia tsɔ wu mía Wɔla la o, amesi gblɔ be: “Nye Yehowa, wò Mawu, enye amesi fia nusi nyo na wò la wò, nyee akplɔ wò to mɔ, si dzi nato la.”—Yesaya 48:17.

[Etenuŋɔŋlɔwo]