Yesu Tsɔ Eƒe Agbe Na Ðe Ame Geɖewo Ta

Yesu Kristo gblɔ na eyomedzelawo be yeva anyigba dzi “menye be woasubɔ ye o, ke boŋ be yeasubɔ, eye yeatsɔ yeƒe luʋɔ ana wòanye tafe ɖe ame geɖewo ta.” (Mateo 20:28) Elɔ̃ faa tsɔ eƒe agbe na ɖe ame bubuwo ƒe viɖe ta.

Alekee Yesu to eƒe ku dzi na tafee? Nu ka tae esia va hiã? Ame kawo tae Yesu tsɔ eƒe agbe na ɖo? Eye vi kae eƒe kua aɖe na wò?

Yehowa Ðasefowo le kpewòm lɔlɔ̃tɔe be nàwɔ ɖeka kpli yewo yewodzro ale si Biblia ɖo biabia siawo ŋui me. Ƒe sia me la, Yesu ƒe ku ƒe ŋkuɖodzia adze Braɖa, March 30 lia dzi le ɣeɖoto megbe. Woadzro ale si Ŋɔŋlɔawo ɖo biabia siawo ŋui la me le wɔna sia me.

Àte ŋu akpɔ gome le wɔna sia me le Fiaɖuƒe Akpata si te ɖe ŋu wò me. Bia Yehowa Ðasefo siwo le miaƒe nutoa me woagblɔ gamea kple teƒe si woawɔe le la na wò.