Emenyawo

Hadzidzi nye Yehowa ƒe amewo ƒe mawusubɔsubɔ ƒe akpa vevi aɖe tso blema ke. Ke hã, esesẽna na ame aɖewo be woadzi ha le ame dome. Ne aleae wòle le mía gome la, aleke míawɔ aɖu kuxi sia dzi ale be míazã míaƒe gbe atsɔ adzi kafukafuhawo na Yehowa? Nyati sia dzro susu nyui siwo tae wòle be míakɔ gbe dzi adzi ha na Yehowa dzidzɔtɔe la me. Azɔ hã, aɖaŋuɖoɖo siwo akpe ɖe mía ŋu be gbe si míetsɔ dzia ha la naganyo ɖe edzi la le eme.

Míate ŋu asrɔ̃ nu vevi aɖewo tso sitsoƒedu ƒe ɖoɖo si nɔ anyi le blema Israel la me. Ne èle nyati gbãtɔa srɔ̃m la, de dzesi mɔ vovovo siwo dzi ame aɖe si wɔ nu vɔ̃ la ato atsɔ Yehowa awɔ eƒe sitsoƒee egbea. Le nyati evelia me la, de dzesi ale si Yehowa ƒe kpɔɖeŋua kpena ɖe mía ŋu be míatsɔ amewo ƒe vodadawo ake wo, míade bubu agbe ŋu, eye míawɔ nu le dzɔdzɔenyenye me.

Nya siwo gbɔgbɔ ʋã Paulo wògblɔ tsɔ ɖo aɖaŋu na Kristotɔ siwo nɔ Kolose la dzie wotu nyati eve siawo ɖo. Nyati gbãtɔa ana míakpɔ nu si míawɔ ne míese xexea ƒe nuŋububu aɖe si dze abe ɖe wòdze to alo susu le eme ene. Nyati evelia aɖo ŋku ale si míaƒo asa na nɔnɔme siwo ate ŋu ana yayra siwo ƒe ŋugbe Yehowa do nato mía ŋu la dzi na mí.