Gbeƒãɖeɖewo

◼ Agbalẽ si míana le March me: Mina Nuka Tututue Nye Biblia ƒe Nufiafia? Midze agbagba miadze Biblia sɔsrɔ̃ gɔme kple amewo. April kple May: Mina Gbetakpɔxɔ kple Nyɔ! magazinewo. Midze agbagba miasrã ɖetsɔlemetɔwo kple wo dometɔ siwo va Ŋkuɖodzia kpakple teokrasiwɔna bubuwo teƒe gake womedea ha kple hamea edziedzi o la kpɔ, eye miana Nuka Tututue Nye Biblia ƒe Nufiafia? ƒe agbalẽa woamawo. Taɖodzinuae nye be míadze Biblia nusɔsrɔ̃ gɔme kpli wo.

◼ Ele be woama Gbetakpɔxɔ kple Nyɔ! yeyewo na nɔviawo ne wonya va ɖo teti ko. Esia ana gbeƒãɖelawo nanya wo me nyawo nyuie hafi woaɖana wo le gbeadzi.

◼ Video si nye Mankind’s Oldest Modern Book nye DVD si nye The Bible—A Book of Fact and Prophecy, si le akpa etɔ̃ me la ƒe akpa gbãtɔ ƒe tanya. Míele dzi dem ƒo na ƒomewo katã be woakpɔ video sia le ɣletia me eye woazã biabia siwo dze le February 2006 Míaƒe Fiaɖuƒe Subɔsubɔdɔ, axa 8 lia atsɔ adzro eme le ɖokuisinusɔsrɔ̃ alo ƒometadedeagu me.