Gbeadzisubɔsubɔdɔ Ŋuti Nyatakakawo

Le May me la, gbeƒãɖela geɖe va zu gbesiagbe mɔɖelawo, eye esia wɔe be woƒe xexlẽme va ɖo 7,146. Mɔɖela veviedonula siawo dometɔ aɖewo nye sukuviwo, ame siwo xɔ dzudzɔ le dɔ me, vidadawo, kple dɔmedela siwo trɔ asi le woƒe ɖoɖowo ŋu ale be woate ŋu aɖo gaƒoƒonudidia gbɔ ɣleti sia ɣleti! Kpɔɖeŋu nyui ka gbegbee nye esi ame siawo nye na mí! Mina míasrɔ̃ woƒe xɔse esi mí katã míele agbagba dzem be míakpɔ gome le subɔsubɔdɔa me bliboe le ale si míaƒe nɔnɔmeawo ɖe mɔe nu.