Gbeƒãɖeɖewo

◼ Agbalẽ si míana le February me: Mina agbalẽ siwo gbɔna siwo le hamea si: Is There a Creator Who Cares About You?, Nusi Gbɔ Ƒome ƒe Dzidzɔkpɔkpɔ Tsona, alo The Bible—God’s Word or Man’s? March: Mina Nuka Tututue Nye Biblia ƒe Nufiafia? Midze agbagba vevie miadze Biblia nusɔsrɔ̃ gɔme kple amewo. April kple May: Mina Gbetakpɔxɔ kple Nyɔ! magazineawo. Midze agbagba miadze Biblia nusɔsrɔ̃ gɔme le yiyi zi gbãtɔ me.

◼ Dutoƒonuƒo tɔxɛ si woaƒo le ƒe 2011 ƒe Ŋkuɖodziɖuɣia ƒe tanya anye “Ðe Biblia Me Gɔmeɖosewo Ate Ŋu Akpe Ðe Mía Ŋu Míanɔ Te Ðe Egbekuxiwo Nua?”

◼ Womawɔ kpekpe aɖeke le Kwasiɖagbe, April 17, si nye Ŋkuɖodzi ƒe ŋkekea, dzi o, negbe kpekpewo hena gbeadziyiyi ko. Anyo be hame siwo wɔa kpekpe aɖe gbe ma gbe la natrɔ kpekpea ada ɖe kwasiɖaa ƒe ŋkeke bubu dzi. Ne hame geɖewoe zãa Fiaɖuƒe Akpataa, eye mate ŋu anya wɔ be woatrɔ kpekpea ada ɖe ŋkeke bubu dzi o la, woate ŋu ate fli ɖe eme. Ne edzɔ alea la, mide dzi ƒo na ƒomewo be woawɔ Gbetakpɔxɔ Nusɔsrɔ̃a le woƒe Ƒometadedeagu fiẽsi me.