Gbeƒãɖeɖewo

◼ Agbalẽ si míana le March me: Mina Nuka Tututue Nye Biblia ƒe Nufiafia? Midze agbagba vevie miadze Biblia nusɔsrɔ̃ gɔme kple amewo. April kple May: Mina Gbetakpɔxɔ kple Nyɔ! magazineawo. Midze agbagba miadze Biblia nusɔsrɔ̃ gɔme le yiyi zi gbãtɔ me. June: Mina Nuka Tututue Nye Biblia ƒe Nufiafia?

◼ Ne èle gbeƒã ɖem na Chinagbedolawo la, tsɔ Nations gbalẽvia ƒe axa si dzi Chinese (Traditional) (CH) kple Chinese (Simplified) (CHS) dze le la fiae, ale be nànya wo dometɔ si wòadi be yeaxlẽ. Zi geɖe la, edoa dzidzɔ na ame siwo tso Hong Kong alo Taiwan la be yewoaxlẽ agbalẽwo le Chinese (Traditional) (CH) me, evɔ ame siwo tso China ya lɔ̃a Chinese (Simplified) (CHS) xexlẽ. Gake le videowo alo agbalẽ siwo woxlẽ lé ɖe mɔ̃ dzi ya gome la, ehiã be nànya woƒe gbetagbe si aƒemenɔlaa se hedona nyuie. Zi geɖe la, ame siwo tso China kple Taiwan la siaa se Chinese (Mandarin) (CHM) nyuie, evɔ Chinese (Cantonese) (CHC) ye ame siwo tso Hong Kong ya se nyuie.

◼ Míadzro video si nye Jehovah’s Witnesses—Organized to Share the Good News me le Subɔsubɔ Kpekpe aɖe me, le August me. Ne miehiã video sia ƒe ɖewo la, ke midɔe kaba to hamea dzi.