Gbeƒãɖeɖewo

◼ Agbalẽ si míana le June me: Mina Nuka Tututue Nye Biblia ƒe Nufiafia? alo trakt siwo gbɔna dometɔ ɖe sia ɖe: Agbalẽ Ka Ƒomevie Biblia Nye? (T-30), Aleke Nuwo Ava Nɔ Le Etsɔme? (T-31), Nu Kae Ana Dzidzɔ Nanɔ Ƒomea Me? (T-32), Ame Ka Tututue Le Xexea Dzi Ðum? (T-33), Ðe Fukpekpewo Nu Ava Yia? (T-34). July kple August: Mina Nya Nyui Si Tso Mawu Gbɔ!, Ðo To Mawu, alo Ðo To Mawu Ne Nànɔ Agbe Tegbee. September: Mina Gbetakpɔxɔ kple Nyɔ!

◼ Ele be míabu trakt kple amekpegbalẽvi siwo míena amewo alo esiwo míegblẽ ɖi na ame siwo ŋu míeke ɖo le aƒe me o la ŋu kɔnta le ɣletia ƒe nuwuwu ahaŋlɔe ɖe gbeadzikɔntabugbalẽvia ƒe akpa si woŋlɔ ɖo be “Agbalẽ Gbadza kple Trakt.” Ne ame aɖe tsɔ ɖe le nya la me eye wòxɔ agbalẽ, alo trakt gɔ̃ hã la, ele be míadze agbagba atrɔ ayi egbɔ be míatu eƒe ɖetsɔlemea ɖo.

◼ Tso October 19, 2015, ƒe kwasiɖaa me la, míasrɔ̃ agbalẽ si nye Srɔ̃ Woƒe Xɔse le Hame Ƒe Biblia Nusɔsrɔ̃ me. Hame siwo hiã agbalẽ siawo ƒe ɖe la nadɔ wo fifia. Nɔvi siwo di be yewoakpɔe le yewoƒe asitelefon alo asikɔmpiuta dzi la, nawɔ eƒe kɔpi le jw.org/ee tsɔ wu be woaxɔ agbalẽa ŋutɔ.