KRISTOTƆWO ƑE AGBENƆNƆ
Ðe Nèdea Dzesi Wò Gbedodoɖawo Ƒe Ŋuɖoɖowoa?
Kpɔɖeŋu geɖewo le Biblia me siwo ɖee fia be Yehowa ɖoa gbedodoɖawo ŋu. Ðikeke mele eme o be Mawu subɔlawo ƒe xɔse gasẽna ɖe edzi ne wokpɔe be Yehowa se yewoƒe kuxiwo eye wòkpe ɖe yewo ŋu. Eya ta anyo be míaƒe gbedodoɖawo naku ɖe nane koŋ ŋu ale be ne Yehowa ɖo wo ŋua, míate ŋu ade dzesii. Nenɔ susu me na mí be ale si wòaɖo eŋuia ate ŋu ato vovo alo agbɔ nu si míebia ŋu sãsãsã. (2Ko 12:7-9; Ef 3:20) Nu kawoe Yehowa ate ŋu ana mí ne ele míaƒe gbedodoɖawo ŋu ɖom?
Ŋusẽ kple xɔse si míehiã be míanɔ te ɖe kuxi aɖe nu.—Flp 4:13.
Nunya si ana míatso nya me nyuie.—Yak 1:5.
Didi kple ŋusẽ si ana míawɔ nu si sɔ.—Flp 2:13.
Dzidzeme be míagatsi dzimaɖi o.—Flp 4:6, 7.
Ame siwo akpe ɖe mía ŋu alo afa akɔ na mí.—1Yh 3:17, 18.
MIKPƆ VIDEO SI NYE YEHOWA NYE “GBEDODOÐASELA,” EYOME MIAÐO BIABIA SIAWO ŊU:
Aleke nu siwo me Nɔviŋutsu Shimizu toa ate ŋu ade dzi ƒo na mí ne lãmegbegblẽ wɔe be mímagate ŋu awɔ geɖe abe ale si míedi ene o?
Aleke míate ŋu asrɔ̃ Nɔviŋutsu Shimizu ƒe kpɔɖeŋua?