Nu Siwo Miate Ŋu Asrɔ̃ Le Ƒometadedeagu Alo Ðokuisinusɔsrɔ̃ Me

Míesubɔa Yehowa le míaƒe kpekpewo, takpekpe suewo kple gãwo me. Nenema kee míesubɔa Yehowa abe ame ɖekaɖekawo kple ƒomewo ene. Miate ŋu adzro nu siawo me le miaƒe ɖokuisinusɔsrɔ̃ kple ƒometadedeagu me:

• Midzra ɖo ɖe hame ƒe kpekpewo ŋu. Miate ŋu asrɔ̃ ha siwo woadzi le kpekpea me eye miakpe ɖe ƒomea me tɔ ɖe sia ɖe ŋu be wòadzra ɖo ɖe nyaŋuɖoɖo aɖe ŋu.

• Miate ŋu axlẽ Biblia me nudzɔdzɔ aɖe. Eyome miata nane si miede dzesi le nudzɔdzɔa me alo miaŋlɔ nane si miesrɔ̃ tso eme.

• Miate ŋu axlẽ gbedodoɖa aɖe si le Biblia me, eye miadzro ale si wòakpe ɖe mia ŋu be miaƒe gbedodoɖa nanyo ɖe edzia me.

• Mikpɔ míaƒe video aɖe le jw.org eye miadzro eme kple ame aɖe alo miaŋlɔ nu siwo miesrɔ̃ tso eme ɖi.

• Midzra ɖo ɖe gbeadzi ŋu eye miwɔ eƒe wɔwɔfia.

• Milé ŋku ɖe Yehowa ƒe nuwɔwɔwo ŋu eye miadzro nu siwo wofia mi tso Yehowa ŋu me.a