Tso Egipte Yi Ŋugbedodonyigba La dzi
AMEWO nya nu tso Israel-viwo ƒe Ʋuʋu tso Egipte ŋu le afisiafi. Gake nukae nɔ ŋgɔ na Mose kple Mawu ƒe amewo le woƒe Ƒudzĩa tsotso vɔ megbe? Afikae woɖo tae, eye aleke wowɔ hafi ɖo Yordan-tɔsisia to bene woage ɖe Ŋugbedodonyigba la dzi?
Woƒe taɖodzinue nye be yewoaɖo Kanaan-nyigba dzi, gake Mose mekplɔ wo to mɔ si le kpuie wu—si nye ƒutamɔ si ƒe didime anɔ kilometa 400—si ana woazɔ tẽ ato Filisti, woƒe futɔwo ƒe anyigba dzi, o. Eye meto Sinai-ƒudomekpoa titina si keke gbadzaa, si nye kponyigba gã si dzi kpekui kple akalokpe le eye dzoxɔxɔ nu sẽ ŋutɔ le la hã o. Ao, ke boŋ Mose kplɔ wo to anyiehe, eye woto ƒutamɔ ƒe gbadzaƒe sue la. Teƒe gbãtɔ si woƒu asaɖa anyi ɖoe nye Mara, afisi Yehowa trɔ tsi veve wòzu tsi vivi le.a Eyome esi wogaho tso Elim megbe la, ameawo li liʋiliʋi le nusi woaɖu ŋu; Mawu na tegli wo eye emegbe wòna mana wo. Le Refidim la, wogahe nya le afisi woakpɔ tsi le ano ŋu, woɖu Amalekitɔ siwo ho ɖe wo ŋu la dzi, eye Mose toa xlɔ̃ nui be wòana ŋutsu siwo dze nakpe ɖe eŋu.—Mo II, ta 15-18.
Emegbe Mose kplɔ Israel-viwo ɖo ta to siwo le anyiehe gome ɖaa gbɔ, heva ƒu asaɖa anyi ɖe Sinai-toa gbɔ. Afimae Mawu ƒe amewo xɔ Sea, wotu avɔgbadɔa, eye wosa vɔwo le. Le ƒe evelia me la, woɖo ta dziehe heto ‘gbe gã dziŋɔ aɖe dzi,’ eye edze abe woƒe mɔzɔzɔ yi Kades (Kades-Barnea) nutoa me xɔ ŋkeke 11 ene. (Mo V, 1:1, 2, 19; 8:15) Le vɔvɔ̃ si ɖo ameawo ɖe nyatakaka madeamedzi si wose tso ŋkutsala ewo gbɔ ta la, ele be woagatsa tsaglãla le gbeadzi ƒe 38 sɔŋ. (Mo IV, 13:1–14:34) Teƒe siwo wotɔ ɖo dometɔ aɖewoe nye Abrona kple Ezeon-Geber, emegbe wogatrɔ gbɔ va Kades.—Mo IV, 33:33-36.
Esi ɣeyiɣia de mlɔeba be Israel-viwo nage ɖe Ŋugbedodonyigbaa dzi la, Israel-viwo mezɔ mɔa tẽ ɖo ta dziehe o. Woto Edomtɔwo ƒe nuto vevi aɖewo me eye woɖo ta dziehe gome heto “mɔ gã” si nye Fia ƒe Mɔ Gã la dzi. (Mo IV, 21:22; Mo V, 2:1-8) Menɔ bɔbɔe be dukɔ blibo—si me ɖeviwo, lãwo, kple woƒe avɔgbadɔwo nɔ—nato mɔ sia o. Ehiã be woanɔ fli me aɖi abu ato agadomɔ xaxɛwo—siwo nye Zered kple Arnon (siwo me goglo wòade meta 520)—hafi agalia togbɛawo.—Mo V, 2:13, 14, 24.
Mlɔeba la, Israel-viwo ɖo Nebo-toa gbɔ. Do ŋgɔ Miryam ku le Kades, eye Aron ku le Hor-toa gbɔ. Mose hã ku mlɔeba le afisi wòtsi tre ɖo hekpɔ anyigba si dzi wòdi vevie be yeayi la ɖa tso adzɔge. (Mo V, 32:48-52; 34:1-5) Agbanɔamedzia va su Yosua si be wòakplɔ Israel-viwo age ɖe anyigba la dzi, esi va nye woƒe mɔzɔzɔ si gɔme wodze ƒe 40 do ŋgɔ la ƒe nuwuwu.—Yos 1:1-4.
[Etenuŋɔŋlɔwo]
a Teƒe siwo woƒu asaɖa anyi ɖo dometɔ geɖe mele nyanya o.
[Aɖaka si le axa 8]
BIBLIA-GBALẼ SIWO WOŊLƆ TSO ƔEYIƔI SIA DZI:
Mose I
Mose II
Mose III
Mose IV
Mose V
Hiob
Psalmowo (ƒe akpa aɖe)
[Anyigbatata si le axa 9]
(Edze nyuie le agbalẽa ŋutɔ me)
Teƒe Siwo Wozɔ Mɔ To
Teƒe Siwo Israel-viwo Zɔ Mɔ Toe
A7 EGIPTE
A5 Rameses?
B5 Sukot?
D5 Etam?
D5 Pi-Haxirot
Ð6 Mara
Ð6 Elim
E6 SIN GBEDZI
E7 Dofka
Ɛ8 Refidim
Ɛ8 Sinai-to (Xoreb)
Ɛ8 SINAI GBEDZI
Ɛ7 Kibroth-hattaavah
F7 Xazerot
F6 Rimon-Perez
F5 Risa
F3 Kades
F3 Bene-Yakan
F5 Xor-Hagidgad
Ƒ5 Yotbata
Ƒ5 Abrona
Ƒ6 Ezeon-Geber
F3 Kades
F3 SIN GBEDZI
Ƒ3 Hor-to
Ƒ3 Zalmona
G3 Punon
G3 Yie-Abarim
G2 MOAB
G1 Dibon
G1 Almon-Diblatayim
Ƒ1 Yerixo
[Teƒe bubuwo]
A3 GOSEN
A4 On
A5 Mof (Nof)
B3 Zoan
B3 Taxpanxes
D5 Migdol
Ð3 SUR
Ð5 ETAM GBEDZI
Ɛ5 PARAN GBEDZI
F1 FILISTI
F1 Asdod
F2 Gaza
F2 Beer-Seba
F3 Azmon
F3 NEGEB
Ƒ1 Yerusalem
Ƒ1 Xebron (Kiryat-Arba)
Ƒ2 Arad (Kanaan-du)
Ƒ4 SEIR
Ƒ4 EDOM
G7 MIDIAN
Mɔ Gãwo
Mɔ si Yi Filistitɔwo ƒe Anyigba Dzi
Mɔ si Yi Sur
G4 Mɔ Gã La
Mɔ Siwo Asihawo Tona
El Haj Mɔ
[Towo]]
Ɛ8 Mt. Sinai (Horeb)
Ƒ3 Hor-to
G1 Nebo-to
[Tɔwo]
E2 Mediterranea-ƒu (Ƒu Gã La)
Ð7/G7 Ƒudzĩa
G1 Dzeƒu
[Tɔsisiwo kple Tɔʋuwo]
A6 Nil-tɔsisi
Ɛ3 Egipte-tɔʋu
G2 Arnon
G3 Zered
[Nɔnɔmetata si le axa 8]
Asihawo zɔa mɔ toa Sinai-ƒudomekpoa dzi
[Nɔnɔmetata si le axa 8]
Ele be Israel-viwo katã nazɔ ato Arnon-tɔʋua me
[Nɔnɔmetata si le axa 9]
Wokua tsi tso vudo siwo le Kades alo le nuto siwo te ɖe eŋu me
[Nɔnɔmetata si le axa 9]
Ele be Israel-viwo katã nazɔ ato Arnon-tɔʋua me