Fiaɖuƒea Ƒe Nukuwo Wuwu

1. Oo, mi Yehowa ƒe kluviwo,

Mi ’me si’o lɔ̃e kple dzi blibo,

Miva Aƒetɔ la ƒe dɔa me;

Mizɔ eƒe afɔɖoƒe.

Miwu nukuwo vɔvɔ̃manɔmee

Ðe dzi siwo tsea ku la me.

Ne miewɔa dɔ nyuie le gbeadzi la, miakpɔ

Kutsetse nyui si’o kafua Mawu.

2. Nukua ɖewo age ɖe dzi si’o

Sesẽ abe kpe ene dzi.

Togbɔ be woxɔe kple dzidzɔ hã,

Mege ɖe woƒe dzi me o.

Ne ŋukeklẽ yɔ woƒe dzi me la,

Wotiaa xexemenu’o yome.

Gake nukua ƒe ɖewo atse ku nyuie

Le anyigba si nyo ŋ’tɔ la dzi.

3. Zi geɖe wò dzidzedzekpɔkpɔ

Tsoa wò agbagbadzedze gbɔ.

Dzigbɔɖi kple lɔlɔ̃ na wo hiã,

Be woaʋu woƒe dziwo me.

Nɔ ŋudzɔ, fa tu, nàdo ŋusẽ wo,

Gake tɔ afɔ to sesĩe.

Ke àkpɔ mɔ na nuŋeŋe kple dzidzɔ.

Ðewo blaetɔ̃, ɖewo alafa.