Mawu Ŋutɔ Ƒe Agbalẽ​—Kesinɔnue

1. Agbalẽ aɖe li si me nyawo naa

Ŋutifafa, dzidzɔ kple mɔkpɔkpɔ.

Emenyawo wɔ nuku, yɔ kple ŋusẽ

Naa ’gbe “kukuawo,” “ŋkunɔwo” kpɔa nu.

Eyae nye Biblia Kɔkɔe, Ma’u ƒ’agbalẽ.

Gbɔgbɔ la ʋã eŋlɔla’o le blema.

Ame si’o lɔ̃ woƒe Mawu Yehowa.

Eƒe gbɔgbɔ kɔkɔea de dzo wo me.

2. Ma’u ƒe nuwɔwɔ’o ŋ’ti nuŋlɔɖi wowɔ.

Eƒe ŋusẽ me xexea me va dzɔ.

Wogblɔ ale si ame de blibo tsã

Kple nu si na Paradiso la bu.

Wogaƒo nu tso mawudɔla ’ɖe ŋu,

Ame si tɔ gbe Ma’u ƒe gãnyenye.

Gbetɔamea he nu vɔ̃ kple nuxaxa vɛ.

Ke madidi o, Mawu aɖu dzi.

3. Míele dzidzɔɣeyiɣiwo me fifia.

Wodzi Fiaɖuƒe la, Kristoe nye Fia.

Yehowa ƒe xɔnameŋkekee nye ’sia

N’ame siwo katã ava egbɔ.

Dzidzɔnya siawo le eƒ’agbalẽa me,

Si nye gbɔgbɔ me nuɖuɖu kɔkɔe.

Enaa ŋutifafa si ƒo susu’o ta.

’Gbalẽ sia nye kesinɔnu vavã!