Hadzidzi 134
Kpɔ Ðokuiwò Le Xexe Yeyea Me
1. Kpɔ ɖokuiwò, kpɔ nye hã ɖaa,
Kpɔ mí katã le xexe yeyea me.
Dzidzɔ gã kae nye ’si wòanye
Be míakpɔ tomefafa mlɔeba!
’Me vɔ̃ɖiwo katã nu yi;
Ma’u ƒe dziɖuɖu xɔ’anyigba dzi.
Vevesesewo katã nu yi tegbee.
Míadzi dzidzɔha akafu mía Mawu be:
(HAXE)
“Yehowa Mawu, akpe na wò lo!
Èto Viwò dzi wɔ nuwo yeyee.
Nèna míaƒe dziwo me yɔ fũu kple dzidzɔ.
Míakafu wò ado wò ŋkɔ ɖe dzi tegbee.”
2. Kpɔ ɖokuiwò, kpɔ nye hã ɖaa,
Le Mawu ƒe nuɖoanyi yeyea me.
Nu si’o nàkpɔ, nu si’o nàse,
Mado dzikatsoƒoe na wò o.
Ma’u do ŋugbe, ewɔ edzi.
Eƒ’agbadɔ tsyɔ ’meƒomea dzi.
Azɔ kukuawo hã afɔ ɖe tsitre;
Woawɔ ɖeka kpli mí míado dzidzɔɣli be:
(HAXE)
“Yehowa Mawu, akpe na wò lo!
Èto Viwò dzi wɔ nuwo yeyee.
Nèna míaƒe dziwo me yɔ fũu kple dzidzɔ.
Míakafu wò ado wò ŋkɔ ɖe dzi tegbee.”
(Kpɔ Ps. 37:10, 11; Yes. 65:17; Yoh. 5:28; 2 Pet. 3:13 hã.)