Woɖo To Satana​—Nu Kae Do Tso Eme?

Adam kple Xawa meɖo to Mawu o, eya ta woku. 1 Mose 3:6, 23

Xawa ɖo to da la, eye wòɖu atikutsetsea. Emegbe etsɔ ɖe na Adam hã wòɖu.

Wowɔ nu gbegblẽ—nu vɔ̃e wowɔ. Mawu nya wo ɖa le woƒe Paradisoƒea me.

Agbea te sesẽ na woa kple wo viwo. Adam tsi zu amegãɖeɖi, Xawa hã tsi zu nyagãɖeɖi, emegbe woku. Womeyi gbɔgbɔwo nɔƒe aɖeke o; woku, womegali o.

Ne ame ku la ezu anyi, si me agbe aɖeke mele o. 1 Mose 3:19

Míekuna elabena Adam kple Xawa ƒe viwo míenye. Ame kukuwo mekpɔa nu o, womesea nu o, womate ŋu awɔ naneke o.—Nyagblɔla 9:5, 10.

Yehowa mewɔ amegbetɔ be wòaku hafi o. Eteƒe madidi o, agbɔ agbe ame kukuwo. Ne woɖo toe la, woanɔ agbe tegbee.