Hadzidzi 139
Míefiaa Nu Wo Be Woanɔ Te Sesĩe
Tatatɔ
Dzidzɔ sɔŋ yɔ míaƒe dziwo me
Be míewɔa nusrɔ̃lawo.
Míekpɔ ale si Ma’u fia mɔ wo
Wowɔ nyateƒea wo tɔe.
(HAXE)
Oo Yehowa, míeɖe kuku,
Lé be na wo, nàkpɔ wo ta.
Yesu ƒe ŋkɔ me míebia be: Na woali ke;
Ve wo nu woanɔ te sesĩe.
Le xɔse ƒe dodokpɔwo me,
Míedoa gbe ɖa ɖe wo ta.
Míefia nu wo hedo ŋusẽ wo
Woli ke nyateƒea me.
(HAXE)
Oo Yehowa, míeɖe kuku,
Lé be na wo, nàkpɔ wo ta.
Yesu ƒe ŋkɔ me míebia be: Na woali ke;
Ve wo nu woanɔ te sesĩe.
Oo na woalé dzi ɖe ƒo sesĩe,
Aka ɖe Ma’u kple Via dzi.
Woado dzi anye toɖolawo,
Agbedu la nu woawu.
(HAXE)
Oo Yehowa, míeɖe kuku,
Lé be na wo, nàkpɔ wo ta.
Yesu ƒe ŋkɔ me míebia be: Na woali ke;
Ve wo nu woanɔ te sesĩe.
(Kpɔ Luka 6:48; Dɔw. 5:42; Flp. 4:1 hã.)