Aƒetɔ Ƒe Fiẽnuɖuɖu La

1. Oo, Yehowa, mía Fofo Fiagã,

Akpe na wò ɖe zã sia ta!

Enye zã si me nèɖe wò lɔlɔ̃, nunya,

Dzɔdzɔenyenye kple ŋusẽ fia.

Ŋutitotoa kpɔ wò dukɔa ta;

Wotrɔ dzo le ablɔɖe me.

Ƒe geɖe megbe Yesu kɔ eƒe ʋu ɖi

Be wò nyagblɔɖi sia nava ’me.

2. Oo, míeda ’kpe ɖe wò lɔlɔ̃ ta;

Ètsɔ Viwò na ɖe mía ta.

Abolo la kple wain la

nye kpɔɖeŋu na

Viwò ƒe ʋu kple ŋutilã.

Míedi vevie be Ŋkuɖodzi sia

Natsi míaƒe susu me ɖaa,

Be míada ’kpe na wò ɖe

Viwò lɔlɔ̃a ta;

’Yae tsɔ eƒ’agbe na ɖe mía ta.

3. Oo, Ŋusẽkatãtɔ Yehowa,

Míeva ƒo ƒu ɖe ŋkuwòme

Be míada ’kpe na wò be nèdɔ Viwò ɖa

Wòva xe fe sia ɖe mía ta.

Míedi vevie be Ŋkuɖodzi sia

Nado ŋusẽ mí katã be

Mɔ si Kristo fia la dzi

míazɔ gbe sia gbe

Be agbe mavɔ nasu mía si.