HADZIDZI 152
Teƒe Si Akafu Wò Ŋkɔ
(1 Fiawo 8:27; 1 Kronika 29:14)
1. Yehowa Mawu, mía Wɔla Gã,
Dziƒowo melolo na wò’o,
Ʋu keke nàva nɔ teƒe sia?
Gake wò gbɔgbɔa li kpli mí.
Ame si’o zɔa wò kekelia me
Ayɔ tadeaguƒe sia taŋ.
Dzidzɔe wònye be míewɔ ɖeka
Subɔa wò tso dzi blibo me.
(DOMETSOHA)
Nu siwo le mía si,
Gbɔwò koe míexɔ wo tso.
Ta míatsɔ wo ana wò
Tso míaƒe dzi me faa.
(HAHE)
Oo Yehowa Ma’u, akpe na wò;
Ɛ̃, míadzi ha akafu wò,
’Labe èna míetu xɔ nyui sia
Be wòakafu wò ŋkɔ gã la.
2. Yehowa, ènya nyuie be míehiã
Teƒe si akafu wò ŋkɔ,
Ado wò tadedeagu ɖe dzi,
Akpe ɖ’ame’o ŋu woanya wò.
Teƒe sia ado wò dɔa ɖe ŋgɔ.
Dɔ geɖe li míawɔ na wò.
Kpe ɖe mía ŋu míayi dɔ sia dzi;
Dɔ nyui si Viwò de mía si.
(DOMETSOHA)
Míaƒe nu nyuitɔwo—
Ɣeyiɣi, nunɔamesi—
Míatsɔ na wò tso dzi me,
Nu nyui’o katã Nala.
(HAHE)
Oo Yehowa Ma’u, akpe na wò;
Ɛ̃, míadzi ha akafu wò,
’Labe èna míetu xɔ nyui sia
Be wòakafu wò ŋkɔ gã la.