Ŋgɔdonya

ÐE MAWU TSƆA ÐE LE EME NA WÒA?

Ne afɔkuwo dzɔ alo amewo kpe fu eye woku la, ɖewohĩ anɔ wɔwɔm na mí eveve nenye be Mawu kpɔnɛ eye wòtsɔa ɖe le eme na mí. Biblia gblɔ be:

“Elabena Yehowa ƒe ŋkuwo le ame dzɔdzɔewo ŋu, eye eƒe towo le woƒe kokoƒoƒo ŋu, ke Yehowa tɔa ŋku nu vɔ̃ɖi wɔlawo.”—1 Petro 3:12.

Gbetakpɔxɔ sia ƒo nu tso ale si Mawu kpena ɖe mía ŋu kple nu siwo katã wɔm wòle be yeava ɖe fukpekpewo ɖa la ŋu.