Míeɖo Dɔwɔha Yeyewo

January 15, 2001, ƒe Gbetakpɔxɔ ka nya ta le ɖoɖo si nu Yehowa Ðasefowo yi edzi le zɔ ɖem le Fiaɖuƒedɔa wɔwɔ me le anyigba bliboa dzi ŋu. Eɖe alesi wozãa dɔwɔha vovovo siwo woɖo le se nu, abe dɔwɔnuwo ene, tsɔ doa alɔ nyanyuikakadɔae hã me. Dɔwɔwɔɖoɖo alo dɔwɔha siawo va hiã bene míaƒe dɔwɔnawo nasɔ ɖe nutoa kple dukɔa ƒe dukplɔse ƒe nudidiwo nu, abe alesi Mawu ƒe Nya bia ene. (Rom. 13:1) Le míaƒe dɔa ƒe nɔnɔme vovovowo kpakple eƒe takeke ta la, Dziɖuha la da asi ɖe edzi be woaɖo dɔwɔha bubuwo akpe ɖe esiwo li xoxo ŋu, be woatsɔ akpɔ Yehowa Ðasefowo ƒe nuhiahiã aɖewo gbɔe le Ghana. Dɔwɔha yeye siwo woɖo le se nu enye si:

Christian Congregation of Jehovah’s Witnesses

Watch Tower Bible and Tract Society of Ghana

Dɔwɔha siawo awɔ dɔ ɖekae kple Watch Tower Bible and Tract Society of Pennsylvania kpakple Watchtower Bible and Tract Society of New York, Inc., si le United States. Dɔwɔha siawo dometɔ ɖesiaɖe ate ŋu aŋlɔ lɛtawo ɖo ɖe hamewo kple gbeƒãɖelawo faa. Míakpɔ ŋudzedze ɖe miaƒe nuwɔwɔ aduadu kple ɖoɖo yeye siawo siwo Dziɖuha la wɔ le eƒe agbanɔamedzi si nye Aƒetɔ la ƒe nunɔamesiwo katã dzi kpɔkpɔ la tsɔtsɔ me ŋu ŋutɔ.—Mat. 24:45-47.