Hiob Wɔ Nuteƒe Le Dodokpɔ Me

Hiob nɔ Uz-nyigba dzi esime Israel-viwo nye kluviwo le Egipte. Togbɔ be menye Israel-vi o hã, enye Yehowa subɔla wɔnuteƒe. Ƒome gã aɖe nɔ esi, enye kesinɔtɔ eye eƒe agbenɔnɔ kpɔ ŋusẽ ɖe ame geɖe dzi le nutoa me. Enye aɖaŋuɖola si ŋu wodea bubui kple ʋɔnudrɔ̃la si mekpɔa ame ŋkume o. Enyoa dɔme na ame dahewo. Hiob nye nuteƒewɔla vavã.

Hiob ɖee fia kɔtɛe be Yehowae nye Ame vevitɔ kekeake le yeƒe agbe me

1:8-11, 22; 2:2-5

• Satana de dzesi Hiob ƒe nuteƒewɔwɔ. Satana meke ɖi Hiob ƒe toɖoɖo Yehowa o; ke boŋ susu si ta wòsubɔa Mawu ɖo la ŋue wòtsɔ nya ɖo

• Satana gblɔ be nu siwo Hiob akpɔ tso Yehowa gbɔ tae wòsubɔnɛ ɖo

• Be Yehowa naɖo Satana ƒe gbetɔame ŋu la, eɖe mɔ nɛ be wòado nuteƒewɔla ma kpɔ. Satana he vɔ̃ va Hiob dzi le go sia go me

• Esi Hiob lé eƒe nuteƒewɔwɔ me ɖe asi ta la, Satana tɔ gbe amegbetɔwo katã ƒe nuteƒewɔwɔ

• Hiob mewɔ nu vɔ̃ alo bu fɔ Mawu o