Ðo Ŋu Ðe Yehowa Ŋu, Eye Nàwɔ Nyui

“Mègaʋã ŋu nu tovo wɔlawo o”

37:1, 2

• Mègaɖe mɔ ame vɔ̃ɖiwo ƒe dzidzedzekpɔkpɔ si nu ayi kpuie nahe wò susu ɖa le Yehowa subɔsubɔ ŋu o. Na wò susu nanɔ gbɔgbɔmeyayrawo kple gbɔgbɔmetaɖodzinuwo ŋu

“Ðo ŋu ɖe Yehowa ŋu, eye nàwɔ nu nyui”

37:3

• Ka ɖe edzi be Yehowa akpe ɖe ŋuwò nànɔ te ɖe ɖikeke alo dzimaɖitsitsi ɖe sia ɖe nu. Akpe ɖe ŋuwò nàwɔ nuteƒe

• Nɔ gbeƒã ɖem Mawu Fiaɖuƒe ŋuti nya nyuia veviedodotɔe

“Yehowa ƒe nu nenyo ŋuwò”

37:4

• Wɔ ɖoɖo nànɔ Mawu ƒe Nyaa xlẽm ahanɔ ŋugble dem le eŋu kple taɖodzinu be nàganya Yehowa ɖe edzi

“Tsɔ wò mɔwo gblẽ ɖe Yehowa si me”

37:5, 6

• Ka ɖe edzi bliboe be Yehowa akpe ɖe ŋuwò nàkpɔ kuxi ɖe sia ɖe si nàdo goe la gbɔ

• Ðe nɔnɔme nyui fia ne wotsi tsitre ɖe ŋuwò, ti yowòme alo gblɔ nya vɔ̃ ɖe ŋuwò

“Zi kpi le Yehowa ŋkume kpoo, eye nànɔ esinu kpɔm”

37:7-9

• Ƒo asa na nuwɔwɔ dzitsitsitɔe si ate ŋu agblẽ wò dzidzɔkpɔkpɔ kple wò gbɔgbɔmededienɔnɔ dome

“Ame fafawo anyi anyigba la dome”

37:10, 11

• Di ɖokuibɔbɔ yome mɔ, eye nàtsɔ ɖokuibɔbɔ akpɔ Yehowa sinu va se ɖe esime wòaɖe nu madzɔmadzɔ siwo katã ƒe fu kpem nèle ɖa

• Kpe ɖe haxɔsetɔwo ŋu, eye nàtsɔ Mawu ƒe xexe yeye si tu aƒe ŋutɔ la afa akɔ na ame siwo lé blanui