“Nyee Nye Esi! Dɔm!”

Ale si Yesaya tsɔ eɖokui na faa la nye kpɔɖeŋu nyui aɖe wòle be míasrɔ̃. Eɖe xɔse fia helɔ̃ be yeawɔ dɔ vevi aɖe enumake togbɔ be menya nu siwo katã dɔa abia o hã. (Yes 6:8) Ðe nàte ŋu atrɔ asi le wò nɔnɔmewo ŋu be nàsubɔ le teƒe si Fiaɖuƒegbeƒãɖelawo hiã geɖe wu lea? (Ps 110:3) Gake ehiã be nàbu eŋu “kɔnta gbã” hafi aɖe afɔ sia. (Lk 14:27, 28) Ke hã, lɔ̃ faa nàtsɔ nuwo asa vɔe ɖe gbeƒãɖeɖedɔa ta. (Mt 8:20; Mr 10:28-30) Abe ale si wòdze le video si nye Ʋuʋu Yi Afi Si Hiahiã Lolo Wu Le, me ene la, yayra siwo míekpɔna le Yehowa subɔsubɔ me ƒo nu siwo míetsɔna saa vɔe la ta sãsãsã.

NE MIEKPƆ VIDEOA VƆ LA, TAFLATSƐ MIÐO BIABIA SIAWO ŊU:

• Nu kawoe Williams ƒomea tsɔ sa vɔe be yewoasubɔ le Ecuador?

• Nu kawo ŋue wobu esi wonɔ afi si woasubɔ le la tiam?

• Aleke Mawu yra woe?

• Aleke nàwɔ anya afi si hiahiã geɖe wu le?

LE ƑOMETADEDEAGU SI MIAGAWƆ ME LA, MIDZRO BIABIA SIAWO ME:

• Abe ƒome ene la, aleke miate ŋu akeke miaƒe gbeƒãɖeɖedɔa ɖe enui? (km 8/11 4-6)

• Ne míate ŋu aʋu ayi afi si hiahiã geɖe wu le o la, mɔ kawo nue míate ŋu akpe ɖe míaƒe hamea ŋu le? (w16.03 3-5)