Nu Si Ta Míedea Asixɔxɔ Tadedeagu Dzadzɛa Ŋu

Gbedoxɔ ŋuti ŋutega si Ezekiel kpɔ la de dzi ƒo na Yudatɔ siwo nɔ aboyo me be woagbugbɔ tadedeagu dzadzɛa aɖo anyi. Le ŋkeke mamlɛ siawo me la, tadedeagu dzadzɛa ‘li ke sesĩe, eye wòkɔ ta gbɔ towo ŋu’ eye míele ame siwo tso dukɔwo katã me ƒo zi ɖe eŋu la dome. (Yes 2:2) Ðe nèdea ŋugble enuenu le mɔnukpɔkpɔ si su asiwò be nèva nya Yehowa hele esubɔm la ŋua?

YAYRA SIWO TADEDEAGU DZADZƐA NANA MÍEKPƆNA:

• 

  Gbɔgbɔmenuɖuɖu geɖe li si kpe ɖe mía ŋu míekpɔ ŋuɖoɖo na agbemebiabia veviwo, mɔfiame nyuiwo li siwo nu míenɔa agbe ɖo eye mɔkpɔkpɔ si ŋu kakaɖedzi le la hã le mía si.—Yes 48:17, 18; 65:13; Ro 15:4

• Míele xexea me katã ƒe nɔviwo ƒe habɔbɔ si me lɔlɔ̃ le la me.—Ps 133:1; Yh 13:35

• Mɔnukpɔkpɔ su mía si míenye Mawu ƒe hadɔwɔlawo le dɔ si me dzidzeme le la wɔwɔ me.—Dw 20:35; 1Ko 3:9

• “Mawu ƒe ŋutifafa” doa ŋusẽ mí le xaxaɣiwo.—Flp 4:6, 7

• Dzitsinya dzadzɛ su mía si.—2Ti 1:3

• ‘Tsi metoa mí kple Yehowa dome o.’—Ps 25:14

Mɔ kawo nue mate ŋu aɖee afia le be medea asixɔxɔ tadedeagu dzadzɛa ŋu?