Wole gbeƒã ɖem le teƒe aɖe si te ɖe Monrovia ŋu le Liberia

Kpɔɖeŋudzeɖonyawo

●○○ YIYI ZI GBÃTƆ

Nyabiase: Ðe Biblia me nyawo gaɖea vi egbea?

Mawunyakpukpui: 2Ti 3:16

Nya Si Nàgblẽ Ði: Gbedeasi kae le Biblia me?

○●○ TƆTRƆYI GBÃTƆ

Nyabiase: Gbedeasi kae le Biblia me?

Mawunyakpukpui: Mt 6:10

Nya Si Nàgblẽ Ði: Nu kae Mawu Fiaɖuƒea awɔ?

○○● TƆTRƆYI EVELIA

Nyabiase: Nu kae Mawu Fiaɖuƒea awɔ?

Mawunyakpukpui: Da 2:44

Nya Si Nàgblẽ Ði: Nu kae ava dzɔ le anyigba dzi?

Tso ɣleti sia me la, kpɔɖeŋudzeɖonya etɔ̃ magadze le kwasiɖa domedome kpekpea me o. Ðe ema teƒe la, kpɔɖeŋudzeɖonya siwo me woazã nyabiase aɖe, axlẽ ŋɔŋlɔ aɖe kple biabia si ŋu woava ɖo ne wotrɔ va la anɔ dzedzem le Agbenɔnɔ Kple Subɔsubɔdɔ Kpekpe Ƒe Nusrɔ̃gbalẽa me. Kpɔɖeŋudzeɖonya ƒe video ɖeka koe woaɖe kwasiɖa ɖe sia ɖe. Gbeƒãɖela ɖe sia ɖe ate ŋu atia agbalẽ siwo míezãna tsɔ fiaa nu amewo la dometɔ ɖeka si wòadi be yeazã le yiyi zi gbãtɔ me alo ne ele tɔtrɔyi wɔm. Azɔ hã, dzeɖonya eve bubu siwo míate ŋu azã ne míetrɔ yi amea gbɔ la adze le nusrɔ̃gbalẽa me. Mɔnu sia akpe ɖe mía ŋu míaɖo míaƒe taɖodzinu si nye be míakpe ɖe “ame siwo si dzi ƒe nɔnɔme nyui le hena agbe mavɔ kpɔkpɔ” ŋu la gbɔ.—Dw 13:48.

Sukuviwo Ƒe Dɔdeasi: Ele be sukuviwo nazã kpɔɖeŋudzeɖonyaawo atsɔ awɔ woƒe dɔdeasiwo, negbe ɖe wona mɔfiame bubu aɖe ko hafi.