Midzudzɔ Dzimaɖitsitsi

Yesu gblɔ le Todzimawunyaa me be: “Midzudzɔ dzimaɖitsitsi ɖe miaƒe agbewo ŋu.” (Mt 6:25) Togbɔ be le dzɔdzɔme nu la, amegbetɔ madeblibo siwo le Satana ƒe xexea me tsia dzi ɣeaɖewoɣi hã la, Yesu le nu fiam eyomedzelawo be woadzudzɔ dzimaɖitsitsi fũu akpa. (Ps 13:2) Nu ka tae? Elabe dzimaɖitsitsi fũu akpa ɖe gbe sia gbe nuhiahiãwo ŋu gɔ̃ hã ate ŋu ana míaƒe susu nadzo le Fiaɖuƒea dzi eye wòasesẽ na mí be míadii gbã. (Mt 6:33) Nya siwo Yesu gblɔ kplɔe ɖo akpe ɖe mía ŋu be míadzudzɔ dzimaɖitsitsi madzemadzee.

• Mt 6:26—Nu kae míate ŋu asrɔ̃ ne míelé ŋku ɖe dziƒoxewo ŋu? (w16.07 9-10 mm. 11-13)

• Mt 6:27—Nu ka tae dzimaɖitsitsi fũu akpa nye ɣeyiɣi kple ŋusẽ gbegblẽ? (w05 11/1 22 mm. 5)

• Mt 6:28-30—Nu kae míate ŋu asrɔ̃ tso dzogbenya siwo le gbe me la gbɔ? (w16.07 10-11 mm. 15-16)

• Mt 6:31, 32—Mɔ ka nue Kristotɔwo to vovo na dukɔwo le? (w16.07 11 mm. 17)

Nu kae ŋue madi be madzudzɔ dzimaɖitsitsi le?