Aleke Nàdzra Ðo Ðe Ŋkuɖodzia Ŋui?

Tso ƒe sia me yina la, míakpɔ ɣeyiɣi geɖe adzra ɖo ɖe Kristo ƒe ku ƒe Ŋkuɖodzia ŋu. Ne Ŋkuɖodzia dze kwasiɖa domedome ƒe ŋkeke aɖe dzi la, ke míawɔ Agbenɔnɔ Kple Subɔsubɔdɔ Kpekpea o. Ne Ŋkuɖodzia dze kwasiɖa nuwuwu dzi la, womaƒo dutoƒonuƒo o, eye womawɔ Gbetakpɔxɔ Nusɔsrɔ̃ hã o. Àdi be yeawɔ ɣeyiɣi ma ŋu dɔ nyuiea? Abe ale si wònɔ le ƒe alafa gbãtɔ me enea, ahiã be woawɔ ɖoɖo aɖewo koŋ ɖe ɣeyiɣi vevi sia ŋu. (Lk 22:7-13; km 3/15 1) Gake ele be mí katã míadzra míaƒe dzi ɖo be wɔnaa naɖe vi na mí. Aleke míawɔ esiae?

• De ŋugble le nu si ta wòle vevie be nàyi la ŋu.—1Ko 11:23-26

• Do gbe ɖa nàde ŋugble le ƒomedodo si le wò kple Yehowa dome ŋu.—1Ko 11:27-29; 2Ko 13:5

• Xlẽ Biblia-srɔ̃gbalẽ siwo ku ɖe nu si tae Ŋkuɖodzia le vevie la ŋu eye nàde ŋugble le wo ŋu.—Yh 3:16; 15:13

Gbeƒãɖela aɖewo xlẽa Ŋkuɖodzia ƒe Biblia xexlẽ si le Ŋɔŋlɔawo Me Dzodzro Gbe Sia Gbe gbalẽvia me hedea ŋugble le eŋu. Ame bubuwo xlẽa mawunyakpukpui siwo le nyatakakaɖakaa me. Eye ame bubuwo hã dzroa Gbetakpɔxɔ me nyati siwo ƒo nu tso Ŋkuɖodzia kple lɔlɔ̃ si Yehowa kple Yesu ɖe fia mí la ŋu. Neva eme be nusɔsrɔ̃mɔnu ɖe sia ɖe si nàtia la nate wò ɖe Yehowa kple Via ŋu geɖe wu.