Ale Si Míaƒe Kpekpeɖeŋunana Ƒe Subɔsubɔdɔa Ðe Vi Na Kristotɔ Siwo Le Karib-ƒukpowo Dzi

Abe ale si wònɔ le ƒe alafa gbãtɔ me ene la, mɔnukpɔkpɔ su míawo hã si egbea be míaɖee afia mía nɔvi Kristotɔ siwo dzi afɔku dzɔ ɖo la be míelɔ̃ wo. (Yh 13:34, 35) Mikpɔ video si nye Kpekpeɖeŋunadɔ Si Wowɔ Le Karib-ƒukpowo Dzi—Enye Lɔlɔ̃ɖeɖefia Gã Aɖe be miakpɔ ale si Kristotɔwo tso kpla ɖe wo nɔvi siwo le Karib-ƒukpowo dzi la ƒe hiahiãwo gbɔ kpɔkpɔ ŋu, eyome miaɖo biabia siawo ŋu:

• Aleke ahom sesẽ siwo woyɔna be Irma kple Maria gblẽ nu le mía nɔvi siwo le Karib-ƒukpowo dzi la ŋui?

• Aleke Yehowa to mía nɔvi Kristotɔwo dzi kpe ɖe nɔvi siwo le Karib-ƒukpowo dzi la ŋui?

• Dɔ kae lɔlɔ̃ si gbegbe nɔviwo ɖe fia mía nɔvi siwo ŋu ahom sesẽa gblẽ nu le la wɔ ɖe wo dzi?

• Nɔviŋutsu kple nɔvinyɔnu nenie va kpe asi ɖe nɔvi siwo dzi afɔkua dzɔ ɖo le Karib-ƒukpowo dzi la ŋu?

• Nu kae mí katã míate ŋu awɔ atsɔ akpe asi ɖe kpekpeɖeŋunadɔwo ŋu?

• Aleke video sia na nèse le ɖokuiwò me tso habɔbɔ lɔ̃ame sia si me nèle la ŋu?