NU XƆASI SIWO LE MAWU ƑE NYA LA ME | KOLOSETƆWO 1-4
Ðe Amenyenye Xoxoa Ða, Eye Nàdo Yeyea
Ðe nèwɔ tɔtrɔ gãwo le wò agbe me hafi va nyateƒea mea? Ne nenemae la, ekema ka ɖe edzi be Yehowa kpɔ ŋudzedze ɖe afɔ ma si nèɖe la ŋu. (Eze 33:11) Ke hã, ahiã be nàyi edzi anɔ avu wɔm kple amenyenye xoxoa eye be nàyi edzi anɔ amenyenye yeyea ɖem fia. Ðo nyabiase siwo gbɔna ŋu nàtsɔ adzro ɖokuiwò me akpɔ ɖa be nu kawo ŋue wòahiã be nàgatrɔ asi le:
Ðe melé ame aɖe si dze agɔ le dzinye la ɖe dɔmea?
Ne mele kplakplakpla dzi alo ɖeɖi te ŋunye la, ɖe megbɔa dzi ɖia?
Ne nye susu yi nu siwo ku ɖe gbɔdɔnuwɔnawo ŋu dzi la, ɖe meɖenɛ ɖa enumakea?
Ðe mebua nazã ɖe gbe bubu dolawo alo dukɔ bubu me tɔwo ŋua?
Ðe meda gbe ɖe ame aɖe gbɔ alo do dziku helĩhelĩ ɖe ame aɖe ŋu le ŋkeke siawo mea?