Yehowa Lɔ̃a Ame Siwo Le Dzadzɛ

“Klɔ wò asiwo. Dzra xɔa me ɖo. Kplɔ anyigba. Tsɔ gbeɖuɖɔa ƒu gbe.” Dzila geɖewo fiaa ale si wo viwo anɔ dzadzɛ le ŋutilã me la wo. Ke hã, mía Mawu si le kɔkɔe la gbɔe dzadzɛnyenye ƒe ɖoɖo siwo dzi míezɔna ɖo la dzɔ tso. (2Mo 30:18-20; 5Mo 23:14; 2Ko 7:1) Ne míena míaƒe ametia kple nunɔamesiwo le dzadzɛ la, eɖenɛ fiana be míedea bubu Yehowa ŋu. (1Pe 1:14-16) Ke míaƒe aƒewo me kple kpɔdomeewo hã ɖe? Amewo tsɔa gbeɖuɖɔ ƒua gbe ɖe mɔdodowo dzi eye wogblẽa wo ɖe hadome teƒewo, gake mí Kristotɔwo ya míewɔa míatɔ sinua be míana míaƒe aƒe, si nye anyigbaa nanɔ dzadzɛ. (Ps 115:16; Nyɖ 11:18) Ale si míetsɔa nu suesuesuewo abe kpetiketsrowo, aŋe alo nugoe siwo me míeno nane le kple aŋekpetikewo ene gɔ̃ hã ƒua gbee la ate ŋu aɖe ale si míebua dzadzɛnyenyee la afia. Míadi be míaƒe agbenɔnɔ ƒe akpa sia akpa nana wòadze be “míeɖea mía ɖokui fiana . . . be míenye Mawu ƒe subɔlawo.”—2Ko 6:3, 4.

MIKPƆ VIDEO SI NYE MAWU LƆ̃A AME SIWO LE DZADZƐ, EYOME MIAÐO BIABIA SIAWO ŊU:

• Nya kawoe ame aɖewo gblɔna tsɔ doa taflatse ɖe nu si tae womeléa be na woƒe nunɔamesiwo o?

• Aleke Mose ƒe Sea ɖe ale si Yehowa bua dzadzɛnyenye fiae?

• Aleke míate ŋu ahe kafukafu avɛ na Yehowa nya aɖeke magblɔmagblɔe?