KRISTOTƆWO ƑE AGBENƆNƆ
Nɔ Ŋudzɔ Be Màgakaka Alakpanyawo O
Egbea, ele bɔbɔe ŋutɔ be nyatakakawo naɖo ame miliɔn geɖe gbɔ kaba to agbalẽwo, radio, television kple internet dzi. Ame siwo subɔa “nyateƒe Mawu” la madi be yewoakaka alakpanyawo o. Eye womadi be yewoakakae le manyamanya me gɔ̃ hã o. (Ps 31:5; 2Mo 23:1) Alakpanyawo kaka ate ŋu agblẽ nu le amewo ŋu vevie. Ne èdi be yeanya ne nya aɖe nye nyateƒea, ke bia ɖokuiwò be:
‘Ðe kakaɖedzi le afi si mese nyaa tso ŋua?’ Ðewohĩ ame si gbɔ nèse nyaa lea menya nyateƒe bliboa o. Ne amewo le nya aɖe kakam la, nyaa nɔa tɔtrɔm godoo, eya ta kpɔ nyuie ne mènya ale si tututu nyaa dzɔe o. Esi wònye be nɔviwo kana ɖe ame siwo le ŋgɔ xɔm le hameawo me ƒe nyawo dzi ta la, ele be ame siwo le ŋgɔ xɔm la nakpɔ nyuie be yewoƒe nyatakakawo nye nyateƒe
‘Ðe nyaa nye ameŋugblẽnya?’ Ne nyaa aƒo ɖi ŋkɔ nyui si le ame aɖe alo ame aɖewo ŋu la, ke anyo be nàgakakae o.—Lod 18:8; Flp 4:8
‘Ðe nya sia ate ŋu anye nyateƒea?’ Ðɔ ŋu ɖo le nya siwo ŋu wotrɔ asi le be wòavivi le tome na ame la ŋu
MIKPƆ VIDEO SI NYE AMEŊUNYAGBƆGBLƆ—NU KAE MAWƆ? EYOME MIAÐO BIABIA SIAWO ŊU:
Le Lododowo 12:18 ƒe nya nu la, nu kae míaƒe nyawo ate ŋu agblẽ le amewo ŋu?
Aleke Filipitɔwo 2:4 kpe ɖe mía ŋu be míaɖɔ ŋu ɖo ne míele amewo ƒe nya gblɔm?
Nu kae wòle be míawɔ ne míele dze ɖom eye ameŋugblẽnyawo va le gegem ɖe dzeɖoɖoa me?
Hafi míate ame aɖe ŋu nya gbɔgblɔa, nya kawoe wòle be míabia mía ɖokui?