Afi kae nèɖo le nyɔnyrɔxɔxɔmɔa dzi?
KRISTOTƆWO ƑE AGBENƆNƆ
Tiae Be Yeasubɔ Yehowa
Ne Biblia nusrɔ̃vi alo sɔhɛ gbeƒãɖela maxɔnyɔnyrɔe nènyea, ɖe nèle nyɔnyrɔxɔxɔ ŋu buma? Nu ka tae wòle be nàbu nyɔnyrɔxɔxɔ ŋu? Adzɔgbeɖeɖe kple nyɔnyrɔxɔxɔ nana ame va nɔa ƒomedodo tɔxɛ aɖe me kple Yehowa. (Ps 91:1) Woate ŋu ana ame nakpɔ ɖeɖe hã. (1Pe 3:21) Nu kawoe nàwɔ be nàɖo taɖodzinu siawo gbɔ?
Ka ɖe edzi be nyateƒeae nye esia. Ne nanewo me mekɔ na wò tututu oa, ku nu me tso wo ŋu. (Ro 12:2) De dzesi tɔtrɔ siwo wòle be nàwɔ, eye didi be wò nu nadze Yehowa ŋu neʋã wò nàwɔ tɔtrɔ mawo. (Lod 27:11; Ef 4:23, 24) Do gbe ɖa nɛ ɣesiaɣi be wòakpe ɖe ŋuwò. Ka ɖe edzi be Yehowa azã eƒe gbɔgbɔ kɔkɔe triakɔa atsɔ ado ŋusẽ wò eye wòakpe ɖe ŋuwò. (1Pe 5:10, 11) Mave wò kpɔ gbeɖe ne èdze agbagba wɔ nu siawo o. Yehowa subɔsubɔe nye tiatia nyuitɔ si nàte ŋu awɔ le agbe me!—Ps 16:11.
MIKPƆ VIDEO SI NYE AFƆ SIWO WÒHIÃ BE AME NAÐE HAFI ADZE AXƆ NYƆNYRƆ, EYOME MIAÐO BIABIA SIAWO ŊU:
Kuxi kawo dzie ame aɖewo ɖu hafi te ŋu xɔ nyɔnyrɔ?
Nu kawo wɔwɔe ate ŋu ana nàva xɔ Yehowa dzi se eye nàtsɔ ɖokuiwò aɖe adzɔgbe nɛ?
Nu kae ʋã ame aɖewo woɖe afɔ siwo hiã be woadze axɔ nyɔnyrɔ?
Yayra kawoe ame siwo tiae be yewoasubɔ Yehowa la kpɔna?
Nu kae adzɔgbeɖeɖe kple nyɔnyrɔxɔxɔ fia?