Ðo Amewo Ƒe Dzi Gbɔ

Dzi mee toɖoɖo Mawu tsona. (Lod 3:1) Eya ta ele be míadze agbagba aɖo amewo ƒe dzi gbɔ ne míele nu fiam wo. Aleke?

Mègafia Biblia me nyateƒewo wò nusrɔ̃via ko o, kpe ɖe eŋu wòakpɔ ale si nusɔsrɔ̃a ka eya ŋutɔ kple ƒomedodo si le eya kple Yehowa dome. Kpe ɖe eŋu wòakpɔ ale si Biblia ƒe dzidzenuwo ɖe Mawu ƒe lɔlɔ̃, nyuiwɔwɔ kple dzɔdzɔenyenye fia. Bia nyawoe ŋuɖɔɖotɔe nàtsɔ akpe ɖe eŋu wòanya ale si wòsena le eɖokui me tso nu siwo srɔ̃m wòle ŋu. Na wòakpɔ ale si wòaɖe vi nɛ ne etrɔ asi le eƒe agbenɔnɔ kple nuŋububu siwo mesɔ oa ŋu. Wò dzidzɔ agba go ne èkpɔe be wò nusrɔ̃via lɔ̃ Yehowa vevie.

MIKPƆ WƆWƆFIA ƑE VIDEO SI NYE KPƆ DZIDZƆ LE NUSRƆ̃LAWƆWƆDƆA ME—NA WÒ NUFIAFIAÐAŊU NAGANYO ÐE EDZI—ÐO AMEWO ƑE DZI GBƆ, EYOME MIAÐO BIABIA SIAWO ŊU:

• 

  Susu ka tae Rut bia Dzidzɔ be: “Ède ŋugble le nu si míesrɔ̃ nyitsɔ Dzoɖagbe ŋua?”

• 

  Aleke Rut kpe ɖe Dzidzɔ ŋu wòkpɔe be mɔfiame siwo le Biblia mea ɖee fia be Yehowa lɔ̃e?

• 

  Aleke Rut kpe ɖe Dzidzɔ ŋu wòkpɔ ale si wòate ŋu aɖee afia Mawu be yelɔ̃e?