Wɔ Nu Ðe Nyɔnu Tsitsiwo Ŋu Abe Dadawo Ene, Ðe Ðetugbuiwo Ŋu Abe Nɔvinyɔnuwo Ene

Ŋɔŋlɔawo gblɔ na mí be ele be míawɔ nu ɖe nɔvi tsitsiwo ŋu abe mía tɔ kple mía nɔ ene, eye ɖe sɔhɛwo ŋu abe mía nɔviwo ene. (Xlẽ 1 Timoteo 5:1, 2.) Vevietɔ wua, ele be nɔviŋutsuwo nawɔ nu ɖe nɔvinyɔnuwo ŋu le bubu me.

Megadzɔ gbeɖe be nɔviŋutsu nanɔ ahiãmo ɖom na nɔvinyɔnu aɖe alo anɔ nu siwo ana nɔvinyɔnua mavo le eɖokui me oa wɔm nɛ o. (Hio 31:1) Mele be nɔviŋutsu tre ƒe nuwɔnawo nana nɔvinyɔnu tre aɖe nasusui be edi be yeaɖe ye evɔ mele nenema hafi o.

Ne nɔvinyɔnuwo bia nya aɖe hamemetsitsiwo alo tɔ asi nane si ŋu wòahiã be woalé ŋku ɖo dzi bubutɔea, ele be woaɖo to wo ahawɔ nu ɖe wo ŋu nyuie. Vevietɔ wua, ele be hamemetsitsiwo nabu nɔvinyɔnu siwo si srɔ̃ mele akpɔ wo ta oa ƒe hiahiãwo ŋu.—Ru 2:8, 9.

MIKPƆ VIDEO SI NYE ÐE LƆLƆ̃ SI NU METSINA O FIA LE HAMEA ME—LƆ̃ TSYƆ̃EVIWO KPLE AHOSIWO, EYOME MIAÐO BIABIA SIAWO ŊU:

• 

  Aleke hamea ɖee fia Nɔvinyɔnu Myint be yewolɔ̃e vavã?

• 

  Aleke lɔlɔ̃ si hamea ɖe fiaa zu ɖaseɖiɖi nyui aɖe na kɔƒea me tɔwo?

• 

  Aleke lɔlɔ̃ si hamea ɖe fiaa ɖe vi na Nɔvinyɔnu Myint vinyɔnuawo?

Mɔ kawo nue nàte ŋu aɖee afia le be yetsɔ ɖe le eme na nɔvinyɔnu siwo le miaƒe hamea me ŋutɔŋutɔ?