Nuwɔwɔwo Nana Míegakana Ðe Yehowa Ƒe Nunya Dzi

Ðikeke aɖeke mele eme o be Yehowa nya nu si nyo na mí ɣesiaɣi! Ne míexɔ edzi se nenemaa, míawɔ ɖe eƒe mɔfiamewo dzi eye esia aɖee fia be míedze nunya. (Lod 16:3, 9) Gake ne míaƒe nuŋububu mewɔ ɖeka kple eƒe mɔfiame aɖe oa, ate ŋu asesẽ na mí be míawɔ edzi. Míate ŋu aka ɖe Yehowa ƒe nunya dzi geɖe wu ne míedea ŋugble le eƒe asinudɔwɔwɔwo ŋu.—Lod 30:24, 25; Ro 1:20.

MIKPƆ VIDEO SI NYE ÐE WOWƆEA? ALEKE AÐIÐIWO WƆNA ZƆNA ÐE ÐOÐO NU? EYOME MÍAÐO BIABIA SIAWO ŊU:

• Nu kae aɖiɖi geɖe wɔna gbe sia gbe?

• Nu kae aɖiɖiwo wɔna be woayi edzi azɔ ɖe ɖoɖo nu?

• Nu kae amegbetɔwo ate ŋu asrɔ̃ tso aɖiɖiwo gbɔ le go sia me?

MIKPƆ VIDEO SI NYE ÐE WOWƆEA? ALE SI ANYI ƑOMEVI AÐE WƆNA DZONA, EYOME MÍAÐO BIABIA SIAWO ŊU:

• Ne amegbetɔwo le yameʋu suewo kum la, kuxi kawoe wodoa goe?

• Ne ya le ƒoƒom sesĩe hã, aleke anyi ƒomevi sia wɔna yia edzi dzona?

• Ne amegbetɔwo srɔ̃ nu tso ale si anyi ƒomevi sia wɔna dzona ŋua, aleke wòate ŋu aɖe vi na wo gbe ɖeka?

Yehowa ƒe nuwɔwɔ kawoe le afi si nèle, siwo na nèkpɔe be eƒe nunya ɖe dzesi ŋutɔ?